不做「奴性強」

董德少

公司以外嘅你係邊個？咩嘢對你最重要？ 上星期平安夜，公司格外開恩，提早收工2小時。有知足同事歡天喜地︰「謝主隆恩。」亦有唔捱得者抱怨︰「就係咁大把……」這些都是可以預期的反應，皆因早放2粒鐘，的確比上不足，比下有餘矣。意想不到的是，同事C竟然哭喪著臉唱反調︰「少咗2個鐘，做唔切點算？」 為了確保C並非「畀說話我聽」，在強烈好奇心的驅使下，加上職責所在，我衰衰格格地套料︰「你手頭上好多嘢做？有無嘢幫手？」 C得意地搖搖頭，說︰「唔使啦，啲嘢你唔識做。」就憑這一句，我可以肯定，他的確一手都係嘢，不過完全是他自己「攞嚟」的，以提升個人存在感。無可否認，有些人只能透過工作去證實個人存在價值——至少，說明曾經如何存在過。 「大家係一team人，無咗邊個都唔得。」我極力把「無話無咗邊個唔得」吞回肚子裡，盡量將難聽過粗口的真話包裝得得體一點。 C顯然沒聽懂我的肺腑之言，回應說︰「教得佢地嚟，我自己都做咗喇。」是的，在辦公室內，各有各的本領和價值。「如果你做埋我啲嘢，咁我重有掟企嘅？」明顯是C的潛台詞。 我不知道如何繼續包裝以下的對話內容，唯有採用佛偈式對策，施主參透得幾多得幾多。「我以前都試過好似你咁，勁有責任心……」C交足戲微笑點點頭，我接收到「點呀你，咪阻住我做嘢」的訊號。 然而，C愈心急，我愈認為有分享的必要。「直至有一次，有一個人問我︰『德少，公司以外嘅你係邊個？咩嘢對你最重要？』」 「邊個問你？」C終於重拾人性溫暖，問人問的問題。 我笑笑答︰「以前女朋友。」C被唬到了，不知所措地「哦」了一聲。「我唔希望你行呢條路。」隨即我拍拍他的膊頭，便收工去——去見不比萬歲老闆和尊貴客戶（同事）不重要的人。 延伸閱讀︰ - 6招應付「控制狂」老闆 - 識破「控制狂」老闆︰5大攞膽特徵 - 「散打王」6大條件 - 一畢業做經理 - 前份工咁好點會走？ 上載日期︰2014年12月29日