comScoreTag
FancyBox
FancyBox

Health & Leisure

【世界盃】捱夜睇波5招保健康


紀子



球迷等到頸都長,世界盃終於在今個星期開鑼喇!四年先一度,球迷誓必捱眼瞓、頂硬上,捱夜睇波時亦難免啤酒薯片不離手,極盡不健康之能事。

巴西與香港時差達11小時,故今屆世界盃的賽事大多集中在香港凌晨時分開波,球迷既要捱更抵夜睇波,與同伴觀賽時少不免會吃零食及飲酒,相當不健康。醫生就提醒球迷,注意「睇波十大健康警號」:

- 失眠、睡眠不足
- 肩頸、腰部疼痛
- 皮膚暗啞、長暗瘡
- 黑眼圈
- 口氣、口腔乾燥
- 血壓上升,可引致中風
- 便秘
- 消化不良,可致胃酸倒流
- 脂肪肝
- 酒精性肝炎

筆者也是球迷,當然明白睇波的樂趣,世盃更是「唔睇唔得」。有咩方法在捱夜的同時,將對身體的負面影響減至最低?不想為一個月之快而賠上健康的話,記得謹遵以下5招:

1. 足夠休息
盡量保持與平常相若的睡眠時間,建議在凌晨看球前,先小睡補充體力,翌日一有時間就小睡片刻,或把握午飯時間午睡。

2. 小飲怡情
睇波不配上冰凍啤酒,總有點若有所失的感覺。不過,醫生指出男性每天上限為60克酒精,即兩罐多啤酒,而女性上限則為40克。最好以無糖果汁、水及清茶,代替高熱量的啤酒及汽水。

3. 慎選小食
有營養師表示,假設你每日飲6罐啤酒,再加一碗nuts,連續20日,已經額外多吸收35,000卡路里,一個月肥10磅無難度。衞生署建議市民睇波時,盡量避免進食肥膩和糖分高的小食,如薯條、爆穀等,可改吃一些健康食物,如鮮果、乾果。

4. 清熱下火
捱夜的人容易「熱氣」,平日煎炸嘢、熱氣食物可免則免,並應多吃西瓜、涼瓜、青瓜、生菜、蜜瓜、山竹、梨等清熱蔬果。一定要保持大便暢通,多喝水及綠茶,多進食高纖維素食材如全麥麵包、糙米、蕎麥麵、番薯、藜麥等,滋陰降火湯水要多飲。

5. 正確坐姿
睇波時應保持正確坐姿,多做伸展運動或四周走動,預防肌肉疼痛。

延伸閱讀:

- 通頂一晚猶如腦震盪

- 茶記食個Lunch,糖份即超標?

- 提高工作效率的8個秘訣

上載日期:10 June 2014


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email