comScoreTag
FancyBox
FancyBox

Workplace Gossip

份糧究竟使咗去邊?儲錢前思考5個問題





文︰魏民菁

salary
「知道點解、點樣儲錢」同「能否持之以恆去儲錢」,是兩碼子的事。

月尾,等同糧尾。月尾出糧,何有糧尾之說?供樓、燈油火蠟、車費、飯錢……你懂的,打工仔的肩膀不是鐵做,要承受的洗費有很多。於是,想儲錢做自己喜歡的事,或是閒時買兩件心頭好,都變得非常奢侈。

「究竟份糧使咗去邊?」應該是打工仔每次望住戶口結餘會問的問題。解答前,不如先反問自己有無以下習慣?

- 邊行邊買的次數多過window shopping
- 頻頻出街食飯
- 見到平嘢即買(機票都計)
- 一心諗住上網睇正經嘢,最後變成瘋狂網購
- 喜歡追捧新科技產品

想儲錢不難,除了解自己的消費習慣外,同時問問自己︰

1/ 點解要儲錢?
大至買樓,小至買個模型公仔,儲錢總有一個目標。否則,為儲而儲的話,就好容易因為一時慾望而「一鋪清袋」。

2/ 每個月有邊幾種固定支出?
文章開頭有說明︰供樓、燈油火蠟、車費、飯錢,甚至家用,打工仔每月或多或少都有固定支出,儲錢前一定要計計自己仲剩幾多「底薪」。

3/ 想儲幾耐錢?
每個目標都總有死線,如果從未有計劃,即所有儲錢方法都是空談。建議最好將目標金額除開一年12個月甚至更長的時間,讓自己養成「應使則使」的良好習慣。

4/ 扣除固定支出後,要儲幾多?
下一步就要估算一下自己每個月究竟可以儲幾多錢。長有長儲,短有短儲,自己須分清緩急輕重,例如要追新電話,可能早幾個月就要「捱麵包」,但中長線的目標例如買樓,則有可能涉及與另一半的儲蓄大計。

5/ 有無加快儲錢嘅方法?
節流過後,更重要的是開源,事關儲錢都只是將份人工累積落去。你可能會話︰「最快,實係中六合彩。」但落返地少少,很多人會選擇金融投資,這當然不失為一個方法,但謹記要做好風險評估,避免因小失大,最後連少少都儲唔到。

可能你會覺得上述問題好廢,或者係人都知。但重點是,「知道點解、點樣儲錢」同「能否持之以恆去儲錢」,是兩碼子的事。

延伸閱讀
- 【小薯求生包】如何面對惡頂老細

- 大學畢業,喺香港地搵工真係咁難?

- 政府筍工招聘展開 AO、EO 起薪2.8萬至4.9萬

- 大專生捱幾多個十年 月薪才有4萬元?

- 【小薯求生包】假期後回魂7大法

上載日期︰2016年9月28日


讚好 CTgoodjobs 專頁,獲取更多求職資訊!

Free Subscription

Email