comScoreTag
FancyBox
FancyBox

Workplace Gossip

你新嚟架?咁Green嘅?


文:薯仔 L



誰沒有新手過?當年第一份工,相信你都曾經驚過、怯過、淆底過。

薯L早幾日身體抱恙,Sick Leave咗兩日。今朝一返到公司,張櫈都未坐暖啫,前面位隻薯B即刻喊咁口衝埋嚟大呻:「嗚呀!你知唔知……(下刪10萬字)」。

事緣嗰日薯B自己一條友出Job,遇到個串嘴老屎忽。留意番,遇上老屎忽笨唔係問題,畀老屎忽睇中繼而再釘住你唔放先係悲劇。

眼見薯B如此嫩口,「新手」兩隻字大大個鑿係額頭度,老屎忽於是好客氣咁贈咗句:「你新嚟架?咁Green嘅?等陣唔該醒少少。」就是咁,薯B個心唔只嚇到離一離,仲碎咗好幾日。

如果閣下認同「Language is a Deadly Weapon」的話,應該不難明白為何薯B會為咗呢一句話、14粒字而耿耿於懷。

對於老屎忽的做法,小弟不打算妄作任何評論。想說的是,腦細一味靠嚇管治,會令員工承受巨大的心理壓力,影響發揮,降低工作效率(詳情按此)。

說真的,薯L兩年前初出茅廬時,於某某大企同樣領教過類似「訓話」。新手薯仔當下不懂反應,唯有一笑GG。但自那天起,我給自己一個承諾:他朝上位做「大薯」,絕不會重蹈老屎忽覆轍!

「You have my word,薯B。」

一句到尾:誰沒有新手過?當年第一份工,相信你都曾經驚過、怯過、淆底過。如果多一份體諒、多一點鼓勵能夠讓新人成長得更快的話,Why not?

延伸閱讀︰
-【人緣UP】職場6大說話技巧+3樣貌特徵

-【飛甩奴性】 7招向OT說不

- 同老細相處 (3)︰開例會

- 有種OT,叫17:59收Email

-【豬般隊友】令人反白眼同事8種

上載日期:2015年10月29日


讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email