comScoreTag
俾人恰到上心口
董德少
workplace silence
不是叫你去撩是鬥或揮刀自宮,或者邀功、懶醒、博大霧、佔人便宜,而是——好。好。保。護。自。己。

「你當時點解唔出聲?」我問同事F。「有咩好講?都判咗死刑,講咩都無用,慳番啖氣好過。」如果平時不是有點交情,相信F連這句都想省掉。「佢就係話你唔解釋即係唔識。」我說。

事緣是這樣的︰

一天老闆召喚,眉頭皺成一堆廢紙般說︰「德少,單嘢F搞唔掂,你睇緊啲。」根據F一直以來的工作表現及處事能力,「單嘢」他應付綽綽有餘,想必又是社交障礙累事。「你大可放心,佢搞得掂。」我力撐F。「我問佢進度,佢粒聲唔出。M(F同組同事)都話佢信唔過,不過你話OK就OK。」老闆才放心。

「佢邊係真心問!」F冷笑一下,繼續道︰「佢根本就係唔信,M落晒藥,我答咩都無用,講一句質十句。咪當我無能囉,總之功課我就交足101.99%。」

「下次再係咁,你就唔好再唔答。佢愈要捽你,你愈要肯定,等佢對你有番信心,就唔會再捽得咁狠。」我苦口婆心,愈說愈師奶。其實想說多句「唔出聲真係好蝕底」,但為免F誤會我兜個圈「質佢」,我並沒說下去。

一分鐘Dead air後,F心軟︰「佢真係問,我就真係答;佢真係聽,我咪真係講。不過佢點諗我都無計,無嘢好爭。」真的,大家打份工,安守本分,各施其職,無嘢好爭。

世上沒有任何一個人能夠討好全世界,之不過「踩住上」的事無日無之,處處忍氣吞聲未必是安身立命之最佳對策。不是叫你去撩是鬥或揮刀自宮,或者邀功、懶醒、博大霧、佔人便宜,而是——好。好。保。護。自。己。在被迫埋牆角之前,就要確立勢力範圍,唔好俾人恰到上心口︰

1/ 人不犯我,我不犯人
2/ 人若犯我,先忍一時風平浪靜
3/ 若對方得寸進尺,必要時心平氣和三口六面講清楚
4/ 忌四處散播謠言,指手畫腳(不然跟「嗰啲人」有何分別?)
5/ 即使唔呻唔安樂,亦要慎選傾訴對象,畢竟恃機「撈油水」的人多過可以撈的油水
6/ 穩守做人底線,保持真誠

唯有真誠,才可以令一個人即使被高空投擲,亦可以凌空找到著地點,不卑不亢。

延伸閱讀︰
- 睇新同事「唔順超」?

- 骨氣定量地?

- 佢地扮夠未?

- 對住老細口啞啞?

- 老闆術語Decoder

上載日期︰2013年8月5日


Look out for further updates on our Facebook fan page!

Related Articles

More