【入行做IT】學過寫Code就做科技業?網上掀罵戰︰IT人唔易做

最近有很多報導指香港,甚至全球都對科技人才非常渴求,更有指未來5年香港會陸續出現挖角潮,市場需要額外10萬名人才,才可滿足人才市場的需求。不過現實中,IT人又是否有相同想法呢?近日有名自稱是IT人的網民,在連登討論區出Post問「點解個個人都話要入行IT?」,指現時有很多人自學IT,或學少少Coding就以為可以順利找到IT工,他堅稱這是「冇可能」。這名「IT人」出帖後,引起不少網民討論,有人指樓主「識少少扮代表」,有人指「識人好過識字」,你又有甚麼想法呢?

按圖即睇「IT人」的完整故事︰

「IT人」分享︰「識好多原本做開會計金融,個個都話想自學IT,or轉行IT,係咪有個錯覺因為網上好多免費資源,所以覺得可以工餘時間自學,然後就可以學到一招半式IT、coding,然後就可以順利搵到IT工?

我話畀你聽,冇可能!

當IT工種係一個spectrum,Non-technical<— Business Tech —> Strong Technical

你極其量只係能夠做到中間嘅工種,即係明少少technical嘢,然後同business人去解析,做中間嘅橋樑only。最常見嘅工種就係所謂Business Analyst、reporting analys、technical consultant、data analyst。講得通俗一點,就係「功能傳話員-用人聽得明嘅話,去解釋技術上嘅嘢」。但真係落手落腳去寫system,開發寫code,分析深層次問題,嗰啲門檻就好高了。

你會發覺你識嗰少少coding係完全達唔到行業要求,troubleshoot後台system/network問題完全唔知發生咩事。其實你同一般business人冇咩分別,都係用家而已,說不上係甚麼IT人。

你做以上嘅職業唔係唔好,好人好姐應該3至4萬(月薪)冇問題。但當你做咗幾年,問題來了,你想做專業啲嘅位,做唔到,因為你唔夠專同冇經驗,你想做全business嘅位,你又冇相關商業知識。你想向上遊,咁點算?於是你就會向住我最鄙視嘅所謂Project Management嘅方向發展,可能會有5至6萬元(月薪),再向上就好難了。

Project Management係做咩?就係日日開會追趕你工作進度嘅人。呢啲人基本上就係日日驗收你工作進度,然後報畀老細聽嘅人。呢啲人唔會去理解你解析嘅技術困難或問題,只係會識追你交功課,因為交唔到功課就係佢嘅錯。呢啲PM係對公司完全冇貢獻,冇自己嘅產出,只係一味嘅索求,然後以為自己好叻Manage緊人。

講咗咁耐,咁你今日話想轉行入IT學寫code做咩鬼?根本就冇鬼用。況且IT範籌好闊,寫code係做到部份工種only,有其他範籌例如要識network infra、server admin、devOps、Software QA、engineer,嗰啲都未必需要coding,反而需要好專業嘅系統了解,軟件開發智識,要考Cert先搵到嘅工,同埋係辛苦24/7,識嘅嘢要多,技術知識要年年更新。你真正了解IT嘅複雜程度,就唔會想做IT了。

唔好再話join bootcamp/udemy學寫code想入IT啦唔該。安份守己做你嘅PM或business人啦唔該。IT並唔係你想像中咁易做,見到個個想話學code轉IT就眼火爆。

利申:做咗1x年IT行業嘅人」

延伸閱讀︰【科技八卦】全公司Programmer離職 打工仔︰加人工仲做唔做?

網民唔Buy該名IT人看法 網上引罵戰
自學Coding真的不能做IT人?在網民的角度看,其實IT行業的確如樓主所講有很多範疇,而每職位都有各自的功用,例如沒有Project Management,公司所有的工作就需要由IT後勤人員直接與客戶聯絡,又要追趕工作的進度,身兼多職;亦有人認為Project Management價值高的原因,是這個職位需要「孭飛」,如項目趕不上進度,就要報告上司及老闆,甚至要向客戶交代。

按圖即看網民兩極的看法︰

延伸閱讀︰【科技人才荒】香港IT界現挖角潮 5年要請10萬人?

成為Project Manager不容易?
在IT行業中,項目經理 (Project Manager) 是否如自稱IT網民所講「完全無貢獻」?其實項目經理一直都是公司各部門渴求的管理級別職位, 除了要認識簡單的IT知識,對產品或項目規劃、控制產品進度、細節驗收,甚至在跨部門溝通都擔當非常重要的角色。由於此職位需要經常與不同部門接觸,因此善於溝通的人最合適這類型的工作。

按圖了解PM的7項必備技能:

延伸閱讀︰【職場熱話】參加bootcamp學識數據編程? 網民:百貨應百客

延伸閱讀︰【網絡熱話】網民論盡IT工種 打Code寫程式好型?捐枱底整電腦無前途?

Look out for further updates on our Facebook fan page!

Looking for jobs?