【全職爸爸】由舞蹈員到全職爸爸 試過凍水開奶、搽錯cream、仲有唔小心……

撰文、攝影:霍芷晴

「男主外,女主內」是根深柢固的傳統思想,不過來到新生代,在職媽媽增加,全職爸爸亦不再是罕見的情況!現時不少全職爸爸的育兒知識可能比一般媽媽的更為高,而80後的春亦是一位育兒知識豐富的全職爸爸,採訪當日,他還大力推薦各新手爸爸媽媽看育兒書籍《The First Year》,更大呼:「呢本書真係乜都有教,資料非常齊全!」

春本來是舞蹈員兼舞蹈老師,11年以來都是以接各大活動、演唱會等的工作和教班生活。但自一年前,兒子懿旻出生後,加上疫情令工作大受影響,並面對:「孩子讓由誰來照顧?」的問題,他便毅然結束舞蹈員生涯,全職當一名「全能湊仔公」!

春感言,跳舞與照顧家庭,他一定會以家庭行先,但這個決定都需要由擔任護士的太太雅欣支持,才可以順利實行,所以他很感謝太太的支持。

延伸閱讀:【在職媽媽】護士媽媽擔起成頭家:以前辛苦會諗辭職 依家乜都頂硬上!

向陪月員學習 最難搞係沖涼
記得仔仔懿旻出世後,春對照顧BB完全不在行,當問及他有甚麼地方不習慣時,他笑說:「冇嘢係習慣!但因為太太係護士,所以有唔明都會問佢;另外,我都努力向陪月員學習,好似小朋友嘅飲食、換片、掃風、沖涼、點樣抱先安全等等。」

他自言最困難的任務是替BB沖涼,「沖涼真係好有難度!因為新聞成日都會有啲BB因為沖涼出意外嘅個案,所以自己都會特別小心,唔知點嘅手勢抱佢先會令佢舒服同安全,所以真係好有難度!」不過慢慢學習和練習後,現在替懿旻沖涼都難不到他了。

即睇春與懿旻平日的互動:﹙按圖了解﹚

唔夠細心 試過跌BB落地
春坦承自己不夠細心,很多照顧小朋友的知識都要從頭學起,他還會看育兒書籍及與同樣成為了父母的朋友請教,「了解到初生到慢慢成長之後,每個階段佢會掌屋同學識咩技能,好似大約半歲就會識轉身同仰臥、8至9個月就會識爬、大約1歲就會識得行;同埋請教過朋友點樣幫BB戒夜奶等等。」

一般人都覺得「爸爸」這角色在大事情上顯得比較精明,但在日常生活的小事情上則較為粗心大意,春亦指自己的粗心大意亦釀成不少趣事,「試過懿旻又叫又喊,我手忙腳亂咁沖奶畀佢飲,點知未煲水,沖完先知啲水凍,又要再由頭整過;又試過將啲lotion同cream搞亂咗,用咗搭頭髮嘅幫佢搽身;但最誇張係有一次,我唔小心跣手將佢成個跣咗落地!雖然只係膝頭嘅高度,亦都唔係頭落地,但見到佢成個趴咗落地,真係嚇死我!」

延伸閱讀:【情人節】Staycation增添情趣 親手為另一半調製cocktail原來好容易?

學子健康成長 得到肯定
對於「全職爸爸」這一個身份,春表示初初一定不習慣,因為生活中多了這一個小朋友,精神、時間和體力都全部放在照顧小朋友之上。但身邊的家人和朋友又怎樣看呢?「我妹夫都是同一個情況,『男主內、女主外』,所以屋企人都冇咩意見,而朋友更加會欣賞我可以做到全職爸爸,我依家都幾享受去湊小朋友。」

但他坦言每個人都愛比較,尤其在香港這個事事都愛鬥的環境,「初初見到嗰啲小朋友識呢樣,另一啲小朋友又識嗰,好驚自己個仔比人落後。但每次帶佢去健康檢查,由醫生護士話懿旻各項發展都唔錯,自己就會好有成功感,因為得到醫療機構嘅肯定,自己都算係一個合格嘅爸爸。」

訪問期間,春還分享自己每天的湊仔日程:

8am-9am 起床,餵懿旻食早餐
10am-12nn 懿旻小睡
12nn 午飯
12nn-3pm 玩玩具、落街散步
3pm 飲奶、瞓晏覺
6pm 晚餐
8pm 沖涼
9pm 飲奶、瞓覺

春喜歡與懿旻到公園「放電」:﹙按圖了解﹚

試過入房大嗌減壓 最有效係深呼吸
採訪當日,春與懿旻玩得很開心,懿旻與爸爸的感情實在不錯,不過春指,自己都曾經感到壓力大,「佢細嗰啲嗰時,未清楚表達到自己,只有喊同唔喊呢兩個選擇,有時唔知佢咩原因喊,自己就會燥,試過呢個情況持續咗幾個鐘,當時我就突然爆發,即刻入咗房閂門大嗌!然後深呼吸冷靜,一出去就用返個笑樣對住懿旻。」

他覺得深吸呼使自己冷靜的方法挺有效,但自疫情緩和,防疫措施放寬令健身室重新開啟,春就會以運動減壓。「把握太太返工前嘅時間做運動同打機,可以令個人放鬆啲。」問到他有沒有打最流行的遊戲時,他笑說:「冇呀,我全照顧小朋友,邊有時間同啲朋友一齊坐定定幾個鐘去屠條龍?我都係玩啲舊遊戲。」

不過,他認為小朋友生活好才是現時自己與太太的最大目標,所以願意犠性娛樂的時間。「我希望懿旻可以正常發展同進步,快高長大、健健康康;只要佢有興趣嘅,我哋都會畀佢試,最緊要開心成長。自己日後可能會再次工作,希望畀到更好嘅生活佢。」

延伸閱讀:【在職媽媽】護士媽媽擔起成頭家:以前辛苦會諗辭職 依家乜都頂硬上!

延伸閱讀:【職場戀愛】男同事枱頭有玫瑰 冇人敢認送花 發現心意卡上有男上司簽名…

延伸閱讀:【情人節】Staycation增添情趣 親手為另一半調製cocktail原來好容易?

Look out for further updates on our Facebook fan page!

Related Articles

  • 【職場熱話】身家半億少爺vs月入50K打工仔 女同事會揀邊個?

    雖然身邊不斷有人會埋怨自己單身,不過亦有一些桃花運旺盛的人,可以同時吸引幾個追求者。不過,在不一踏幾船的情況下,遇到兩個不相上下的對象,又該怎樣選擇才好呢?

  • 【職場熱話】港女去Staycation屈蛇被趕 大鬧酒店員工冇人情味 被網民鬧爆!

    疫情期間,大家不能去旅行就只能在香港酒店中找回一絲旅行的氣氛,以紓解壓力放鬆心情。我們一邊在放鬆,想與朋友或另一半得到最好的渡假體驗,卻有些麻煩的住客提出無理的要求,當自己公主、當自己女皇,辛苦了一眾酒店業的員工……

  • 【職場熱話】工作後難識另一半 女網民:人生一定係買樓、結婚、生BB?

    打工仔還記得當初在學時、畢業初期、那個滿懷鬥志、勢要為世界帶來改變、活得不一樣的自己嗎?可是,真正在社會上工作了一段時間,你會發現當初的熱誠減退,身邊的大家更默默地走在一成不變的傳統道路上。結婚、生BB、買樓、買車,似乎是踏入三十關口後,大家都需要考慮的事,但不跟從這社會所視為傳統的路走,就是異類、就是不正確嗎?

  • 【絕世筍工】呢份工被稱「人生勝利組」?網民︰返工釣魚被投訴多年都唔炒

    打工仔渴望自己能夠打一份「絕世筍工」,日日不用工作,返工等放工。不過日子久了,你可能發現工作變得無意義,甚至會被旁人冷眼或投訴,成為其他人的「眼中釘」。最近有網民在討論區分享自己朋友居住的大廈,其保安伯伯的工作點滴,因為伯伯在工作時間經常「釣魚」(恰眼瞓)、白坐蛇王,即使被投訴多年都可以繼續工作,因此網民稱呢份工絕對是「絕世筍工」。

  • 【職場熱話】飲食業員工偷食分享 最誇張食過OOO

    深信不少人對各個行業都有好奇的地方,好像從事飲食業的打工仔,到底會不會偷食?最近就有網民在討論區分享,表示從事飲食業,最誇張是吃過甚麼山珍海味。

  • 【職場熱話】畢業生返工感煎熬 網民安慰:公司又唔係你嘅

    畢業生初出茅廬,難免在職場上遇到挫折,在這個時候應該怎麼辦?最近在討論區就有網友就感嘆自己開始返新工已經一段時間,仍然對返工有一份恐懼,覺得每日返工好痛苦,其他網民都紛紛留言獻策。

  • 【職場貼士】發夢都返緊工?解開5個常見工作夢境的象徵意義

    你有試過晚上睡覺時夢到工作嗎?心理學家佛洛伊德曾說過「夢境是通往潛意識的道路」,夢中出現的事情能反映個人心理狀態,是一個深入了解自己的好機會。以下有5個常見有關工作的夢境,在職場上分別象徵不同的意義,或許正正給你提示。

  • 【職場熱話】老闆唔肯收辭職信 打工仔苦惱 網民:其實你老細幾好…

    當知道工作不適合自己時,很多打工仔都會決斷地遞辭職信,告知老闆:「我唔撈啦!」可是,並不是每次辭職都如此順利……有些老闆真的會如劇集般:「唔批准!你返出去做嘢!」

  • 【職場兩性】男同事不停向女朋友示愛傳訊息 男友:點知可以趕走佢?

    不知各位打工仔,會希望與另一半在同一公司工作,還是分開公司工作?同公司可以日見夜見,但出現問題時又會顯得不自在;不同公司時,可以專注處理自己的工作,可是就會擔心對方身邊的異性同事會否對自己的男朋友或女朋友出手,畢竟同一公司工作最容易日久生情……

  • 【職場文化】公司要員工上堂學去廁所 網民認同:試過有人屙喺O同OO!

    持續進修、自我增值是打工仔時常需要考慮的問題,很多公司都很重視員工的質素,而除了學術知識外,員工本身的禮儀都是值得關注的項目。畢竟員工是代表公司的,訓練好員工的禮儀,定能為公司帶來良好的效果!