comScoreTag
FancyBox
FancyBox

人際八卦

別以人地把刀插自己


董德少



同事, 上司, 辭職, 下屬, 忌才, 劈炮, 前途

workplace politics
畢竟,我唔妥你,不是唔妥我自己。

「德少,你真係無唔Like邊個同事?」初生之犢不畏虎,新丁W竟膽敢來挑我機。小弟固然不是省油的燈,不至於被新仔殺個措手不及,但內心不是不心虛的……

我不帶感情地擠出一個公式笑容,容氣說︰「Like邊個、唔Like意邊個,工作都係咁做。反正唔係要過人世,有咩所謂鍾意唔鍾意。」

實不相瞞,我曾經對所有叫做「同事」的族群恨之入骨,沒法子,年少輕狂。初出茅廬,內心充斥著一團火——怒火,阻我者死。根據當時的邏輯,但凡「人」均屬阻我者。無他,對上的一定多番阻撓,無不忌才;在下的,又個個「人頭豬腦」,甩甩漏漏,「與其靠你地,不如自己做埋無咁嬲」。面對眼前的W,我像與過去的自己打個照面。

「嗨,不可一世嘅你,咁樣將會死得好慘。」如果1x、2x年前我懂得這樣對自己說,大概可以碰少幾口釘。

「我係咪終有一日會變成你地咁?」W心口掛個勇字,讓我更相信他決心劈炮。

而我亦抱著大毋畏的精神,兵行險著︰「咁你要死,唔通我唔畀你死咩。」

W以「我就唔信咁樣會死囉」的眼神看著我。我反而於心不忍,說︰「阿仔,你覺得喺辦公室同人開拖好型咩?想型重有好多方法,以自己嘅前途嚟較飛,實在相當低手。」

W見我們Tune對了Channel,立即變成被馴養的狐狸,入世未深的底牌從奸笑中露晒餡。

對付「唔順超」的人,有6條路可行︰

1/ 直接而禮貌地告訴對方︰「你咁咁咁做,令我好唔舒服。」(適用於無心傷害者)
2/ 一於當對方透明(此方式對惡意侵犯著尤其有效)
3/ 跟對方做朋友(知己知彼,多個朋友好過多個敵人)
4/ 以牙還牙(只限於高手,敬請好自為之)
5/ 向上司匯報(匯報內容務必以公務為重。須知道,在老闆或上司眼中,下屬的個人感受無足輕重)
6/ 逃之夭夭(即使被對方迫到「走投無路」,還有「劈炮」這最後一著)

「即係唔使走?」W仍然一舊雲。

「你走唔走係你個人選擇。」我望望W確定他在聽,結案陳詞︰「只可以話,如果我要辭職,都一定唔會純粹因為唔鍾意你呢個人。」畢竟,我唔妥你,不是唔妥我自己。

延伸閱讀︰
- 跳火坑變跳火圈

- 有AO,真係唔做?

- 打工仔的斬纜權

- 劈炮前必經的混沌狀態

- 【實地直擊】21世紀Intern

上載日期︰2014年9月1日
讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email