comScoreTag
FancyBox
FancyBox

Workplace Gossip

到底唔鍾意我啲咩?


賈心潔



about love

佢無唔鍾意你啲咩,只係無特別鍾意你啲咩啫。

「我唔知……我唔知佢到底唔鍾意我啲咩……」朋友L的怨懟,跟這個聞說是1947年戰後最凍,且19年一遇的「雙料」中西情人節,形成強烈而和諧的對比。「你唔放低過去,點迎接將來?」安慰的說話我已經說不出,畢竟已經講足10幾年。

他們,10多年了。全程以「好朋友」的姿態出場——是真真正正的純友誼關係,既無添加柏拉圖式精神戀愛成分,更不是FWB(Friends with benefits)。10多年噢,夠結婚生仔了吧;再好命一點,大仔都10幾歲差不多入大學了。有研究指,一對男女在初相識的幾小時,足以判斷對方有無機會發展下去。「10幾年喇小姐,要一齊都唔會等到而家啦。」我說過一遍再一遍。

「我真係唔知佢唔鍾意我啲咩……明明一齊時好開心,係真心開心架喎。我地咁咁咁,又點點點,而且又啦啦啦、blablabla……」L說著的時候甜絲絲,一收口旋即墮入「失戀」的深淵裡。她平時明明挑通眼眉精甩辮,面對老闆總擺出一副「你鍾意又好唔鍾意都好,份內事我就做足架喇」的戰鬥格,然而每當說起那個人,就變成外星人似的。

「潔,你話畀我知丫,我有咩唔好,佢究竟唔鍾意我啲咩?」L愈說愈歇斯底里。如果再不給她一個心悅誠服的「答案」,我相信她會打電話給那個「好朋友」直接問︰「點解……點解你唔愛我?」而每當按「撥號」之際,都改按「取消」。

「佢無唔鍾意你啲咩,只係無特別鍾意你啲咩啫。」話,只能說到這裡。還不滿意的話,就去問他吧!

情人節快樂!是否快樂,並不取決於有沒有情人,而在於「不愛我的我不愛」的氣魄。(工作都一樣,無糧出又無成功感,無鞋都挽屐走啦!)有拖拍就準時收工去拍拖;未有拖拍的,都要準時收工,返屋企hea或做甚麼都好!

延伸閱讀︰
- 車!唔撈咪唔撈!

- 非女神是如何在職場立足的?

- 箭靶的修養︰「無事道」

- 生存之道,你懂的!

- 你點知人地唔鍾意你?

上載日期︰2014年2月14日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email