comScoreTag
FancyBox
FancyBox

Workplace Gossip

劈炮前必經的混沌狀態


董德少



劈炮, 遞信, 加人工, 辭職, 打工仔, 職場, quit job

quit job

不論劈炮還是搲人工,終極籌碼都是——唔撈咪唔撈。

「德少……」爽直的同事U敲我門,一臉講不出聲的委屈,吞吞吐吐,我就知道此事非同少可——至少對他本人來說。「我有咩可以幫到你?」我收起偶爾浮現的劈炮念頭,展現出善意微笑。

「其實……係……嗯……其實係……咁嘅……」U支支吾吾,一定有甚麼難以啟齒的事。對打工仔來說,所謂「難以啟齒的事」,不是要求加人工,就是想遞信劈炮唔撈。據小弟行走江湖多年經驗,例外總是有的,但沒有幾多個。

「收窄範圍,想加人工?定遞信?」我速戰速決。

U擠出一個覓得知音的滿意的笑,添加幾分被看穿的尷尬,說︰「你點知架?」

我點知?我怎好意思說穿,全世界大概沒有幾個打工仔嫌人工太高,而職場上每分每秒都有人遞信辭職這種「常識」;又怎忍心直接對他說「小朋友,唔好將自己睇得太重要。」我唯有再問一次︰「加人工?定遞信?」

「er……我都唔知點講好……」職場溝通,最忌講來講去講不到重點。「想加人工?定辭職?」我揮霍僅餘的耐性,再問一次。

「其實……我都唔知……」我豁然開朗,原來他心裡根本沒有任何想法;同時納悶,你未諗清楚就洩漏口風?這種職場人性弱點,是很容易出事的。見過太多管理人處理起離心的打工仔,都採取「先炒為快」的策略,總之而家係我飛你,而唔係你飛我。

「咁我有咩可以幫到你?」我問。「唉,我都唔知。」咁你又嚟搵我?——時空靜止了足足1分鐘,你眼望我眼。

「我都係出返去先。」

看見U的落魄愁容,我起了惻隱之心,畢竟本是同根生,說︰「咁啦,我俾幾個問題你返去攝高枕頭諗,諗好之後你可以再嚟搵我,或自己搞掂。

1/ 手頭緊唔緊?
2/ 喺度打工期間,有無做出啲咩成績?
3/ 有無後路?
4/ 諗清楚辭職原因未?
5/ 你,重係咪你?」

手上有兩三個月生活費,可走;有至少2份至3份代表作拿出去威威,可走;若已搵到新工,或有人脈可隨時介紹,可走;若已想出具說服力的原因,可走;初心不忘,保存著最好或更好的自己,可走。若結論是「未走得」,同時亦意味搲人工時機尚未成熟。不論劈炮還是搲人工,終極籌碼都是——唔撈咪唔撈。

「By the way,如果你唔想日子太難過,請你當無搵過我,亦唔好將你呢個未成形嘅念頭隨便向任何人透露。無人有義務幫你保守秘密。」話,我只能說到這裡。好自為之。

延伸閱讀︰
- 【實地直擊】21世紀Intern

- 「扮辭職」的最後通牒

- 【清算】5大劈炮無品人辦

- 上位格?還是攝位賊?

- 辭職信,舉手不回

上載日期︰2014年8月4日
讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email