comScoreTag
FancyBox
FancyBox

Workplace Gossip

化妝女「忌」術


賈心潔



makeup taboo
英國又有調查指,達32%受訪女士會在車上化妝;四分一人更自我膨脹到希望公共交通工具的椅背上設有鏡子。

「點解你今日條眉一高一低咁嘅?」早兩晚和朋友V吃飯,還以為她提早跟我慶祝Halloween,故意將眼眉畫得怪怪。為免她因為我毫無反應而有Hard feeling,我唯有多此一問。怎料,我一問,她才有Hard feeling……

「下……真係好覺呀?」V憂心忡忡。

「嗯……你咁樣皺眉法,又唔覺喇。」我忍著笑說。見她眉頭皺得更緊,我更想笑。為了分散自己的注意力,我連忙問她發生甚麼事。

「今朝喺巴士化妝,激死人,chok到死,咪咁囉。鬼叫趕住返工咩……」她一邊說,一邊厚顏無恥地藐巴士,以至世上所有會移動的交通工具。

我模仿V藐巴士的嘴臉,用來反藐她。

無可否認,化妝某程度上屬於社交禮儀,見人之前畫下個樣,不但可讓人留下良好印象,甚至有助提升自信。英國有網站調查發現,半數受訪企業行政人員表示會歧視不化妝上班的素顏女;逾2/3老闆更承認不會聘請不化妝去見工的求職者。

然而,交通工具會移動是常識,無人叫你喺巴士化妝!偏偏,最近英國又有調查指,達32%受訪女士會在車上化妝;四分一人更自我膨脹到希望公共交通工具的椅背上設有鏡子。

巴士上化妝的狼狽情況不勝枚舉,每當車輛突然緊急煞停,化妝品掉滿一地、烈焰紅唇畫出界、眼線筆直插眼窩、睫毛液將「曱甴腳」甩到上眼眉、胭脂大細臉、最肉赤是夾丟眼睫毛……小妹不是沒有試過。

「化禍個妝都算,最慘係成車人10萬對眼全部親眼目睹化妝女化禍個妝。哈哈哈!」V還好意思搶白兼大笑。

「繼今朝有10萬對眼見證住你化禍個妝,而家再有一對眼睇住你條高低眉就嚟笑到溶!」

延伸閱讀︰
- 所謂的「埋堆」

- 如果沉默太沉重

- 成日俾人講是非,點算?

- 「屎」上最爆爽辭職

- 搵工靠Chok

上載日期︰2013年11月1日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email