comScoreTag
FancyBox
FancyBox

人際八卦

升職就唔識人?


董德少



please listen
如果能夠一直保存本性善良的自己,乞「乞人憎的人」憎,又與我何干。
「下屬通常都唔鍾意上司,」剛升為Senior的同事E欲言又止。我望望他,微笑點點頭,鼓勵他大膽說下去。「德少,我想問,點樣先唔咁乞人憎。」

「你到底係話自己乞人憎,定係存心嚟暗寸我乞人憎?」我將聲調有咁平板壓得咁平板,以防自己忍不住爆笑起來。小弟當然知道,他指的是叫做「上司」的這種生物。

「之前都唔係咁……」E自說自話。顯然,他錯過了讓自己不乞人憎的機會——聆聽。

見過辦公室裡太多「升咗職就唔識人」的個案,所謂的「唔識人」,有時是辦公室食物鍊使然——當閣下的上頭篤你篤人做嘢追數時,你不篤人就是失職;有時則是「權力使人腐化」的極致體現——愛我的人要好勇敢,我會將我「做細」時受過的委屈冤冤相報,代代相傳。

基於有些乞人憎是「為世所迫」的(如前者),有些則是「Built-in」的(如後者),而E並沒有藉著「愛我的人要好勇敢」而將自己乞人憎的責任推卸得一乾二淨,我有理由相信他並非如他所說的那麼乞人憎。

真正乞人憎的人,是不會知道自己乞人憎的。

「我有咩可以幫到你?」我開心見誠問。

「咁樣好難做落去……」多得E再一次無視我的提問,好讓我從而推斷他的死因。

「留意番先,我頭先問你咩?」我客氣問。E的「O嘴」自然是意料中事,我繼續︰「你以前都唔係咁。以前你會聽到我問你咩,然後回應。」

E驚愕,這一次,他終於有聽了,終於回魂了。我把握機會︰「其實唔使講啲咩,只要用心去聽就得。其實呢樣係對人嘅基本尊重,同升唔升職、高唔高級完全無關係。」

只要我們能夠做回原本的自己,並尊重每個原本的人地,都不會乞人憎得去邊。又這樣,如果能夠一直保存本性善良的自己,乞「乞人憎的人」憎,又與我何干。

當一個人為求「不乞人憎」而扭曲自己,他不只「唔識人」,更連自己都不認得自己了。

延伸閱讀︰
- 【送舊迎新】丟得就丟8件事

- 抽出頭號敵人

- 升職、加薪、劈炮的籌碼

- hea做不如劈炮

上載日期︰2015年3月2日

讚好 CTgoodjobs 專頁,獲取更多求職資訊!

Free Subscription

Email