【另類職人】前啱Channel演員柔柔 由幕後到幕前再轉做瑜伽導師

撰文:霍芷晴 攝影:matt

年輕一代喜歡做Slasher,不想只被一份工作限制自己的發展機會和空間,想把握時間去嘗試各方面的可能性,身兼多職,突破各個範疇,更有成功感!前「啱Channel」演員柔柔﹙陳麗柔﹚為人所熟識,她由幕後做到幕前,現更當上瑜伽導師,開始自己的瑜伽教室Blue Yoga Studio。

每個範疇都略有所成,她笑言:「自己對幕後、幕前同埋瑜伽都好有興趣,希望可以做到自己鍾意做嘅事之餘,同時保持身體健康,各個方面都可以平衝到!」

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

享受幕後 嘗試幕前
雖然大家習慣於YouTube上看到作為演員和主持的柔柔,但在幕前演出前,其實她首先從事的是幕後工作。她於大學時修讀創意寫作與電影藝術系,2017年畢業後,她曾在商業電台擔任實習DJ、聲演員等工作,「當時主要負責度橋同拍攝,覺得好適合自己。」不過當時拍攝短片在電台來說是新發展項目,固未有專屬部門,雖對創作感興趣,但她想學習更多幕後應用技巧,於是在一年後決定轉投網絡媒體

如果是「啱Channel」的觀眾,定必看過柔柔的作品。轉投「啱Channel」後,柔柔由幕後開始做起,她笑言與幕前相比,自己較喜歡幕後工作,「因為可以諗嘢,靜靜咁創作,但係之後嘗試埋幕前工作,都覺得好有挑戰性,可以嘗試好多角色,例如女鬼、又有可試吓親密戲,當時屋企人睇到,仲話我:『點可以隨便畀人錫!』」重提拍攝回憶,柔柔仍是一臉雀躍,不過她亦指,做幕前演員要同時承受很大壓力。

即睇柔柔參與過的作品,當中有沒有曾經欣賞過的作品?﹙按圖了解﹚

 

一個人並不能受盡所有人的喜愛,尤其在這個於網絡上發言不用負責任的年代,成為觸目的人,就會被批評、被攻擊,柔柔坦言自己都曾被網民攻擊、受負面傳聞所困擾,「有很多人都說做幕前就預咗畀人指指點點,但我自己都幾玻璃心,容易被情緒影響,見到啲留言都會唔開心……」

不過,當知道自己對觀眾有正面的影響,就能讓她繼續走下去,「試過有一次唔開心,但見到有位觀眾inbox我,佢話自己有情緒病,但係每次睇我嘅片就可以幫佢抒解情緒,帶畀佢唯一嘅快樂。知道自己原來可以幫到佢,令我更有勇氣去面對其他嘅評論!」

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

壓力大曾爛面 初次接觸瑜伽
雖然漸漸懂得情緒的調節,可是拍攝工作有一定的壓力,令柔柔經常作息不定時,她坦言試過有一段時間每天只能睡兩小時,「當時出書、編導工作、幕前演出同時進行,有次試過凌晨都仲喺公司剪緊片,真係喊咗出嚟,點解想瞓覺都冇時間。之後搞到身體唔好,兩隻眼都發炎、爛面,成個月都唔好,條腰又開始頂唔順,於是就知道要停一停。」

在網絡媒體工作了兩年後,她知道自己需要一個小休,於是毅然辭去工作,去一次旅行,調整自己的思想和身體,「當時學咗兩年瑜伽,想趁空檔對呢方面了解多啲,所以就決定去一次印度去堂深造。本身諗住去了解一下,但實習嘅過程,導師畀咗好多鼓勵,我亦都對教學好有成功感,於是就考埋導師牌。」

回港後,找到新方向的柔柔便開始嘗試教朋友瑜伽,「我由助教開始做,之後再試吓book場教朋友,但成日都book唔到場,所以朋友幫手計過數後,提議我自己開一間仲好!」

擅用長處 宣傳、拍攝一腳踢
坐言起行的柔柔於去年9月開設了Blue Yoga Studio,疫情期間創業可謂是一大挑戰!首先,物色鋪位已經花了兩三個月,由租金、裝修、經營等多方面都需要朋友的意見,「最大挑戰係其實7月準備開張,但8月因為疫情已經要暫停開放,正式9月開張,但12月又再閂過……」不過,柔柔坦言開設studio不為賺錢,只是想做自己喜歡做的事,雖然面對很多困難,例如網民負面的留言、訂瑜伽磗、瑜伽墊等工作,但仍有支持自己的同路人,使她願意去冒險。

縱然困難常在,但柔柔亦善用自己的長處去宣傳,「以前做幕前,而家比較容易向大家宣傳;另外,自己一手一腳拍片、影相、執相、剪片,可以慳好多錢,同時做到有效嘅marketing!」

現時柔柔會接一些freelance的幕前和幕後工作,並一星期會教兩堂私人班,另有其他導師教班和租場,她希望除了深造地面瑜伽外,還考慮考取空中瑜伽導師資格,日後再租大一點studio,提升學員的上課體驗,「亦想喺自己嘅channel拍多啲瑜珈片!幕前、幕後同瑜伽都唔想放棄,希望可以健康地全情投入三方面工作!」

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!