【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

撰文:霍芷晴 攝影:matt ﹙部分圖片由被訪者提供﹚

ViuTV近日播映完畢的《阿女又戀嚟》戀愛真人騷節目,深受一眾年輕觀眾喜愛,可能因為參加者們挺討好,樣貌新鮮又有話題性。而當中令人有深刻印象的,一定非Catry﹙李創偉﹚莫屬,除了他酷似周柏豪的外表、一身健碩的身材、加上成熟又自然的性格外,大家可能都會被他家人經營街巿,自小在雞檔長大的背景而感到有趣和吸引吧!

節目中,Catry與女參加者第一次約會的活動,就是體驗在雞檔工作的一天,而在雞檔幫忙的,是他的媽媽與表姐,Catry更換上圍裙,開始街巿式的叫賣:「埋嚟睇!埋嚟揀!今日啲雞好靚!」毫不造作,而且非常熟練,訪問時,他笑說:「我7歲就喺街巿幫屋企人手。」

大家對《阿女又戀嚟》中,Catry在雞檔幫忙的片段有沒有印象?﹙按圖了解﹚

自小在菜檔賣菜
80後的Catry,現為舞蹈員、演員及跳舞學校Studio5678hk的創辦人,與街巿販賣的形象截然不同,他表示:「我屋企由我婆婆嗰代開始已經做緊街巿,養大咗我媽媽嗰代,再由我媽媽接手養大埋我,其實屋企做咗街巿都有差唔多80年!」Catry指小時候,家中分別在樂富、新蒲崗街巿都有檔口,並經營魚檔、菜檔和雞檔,「我細細個就同好多表哥、表姐喺檔口幫手!」
 
他笑指,年紀小小的他,會在菜檔角落幫忙賣芫茜、蔥,「每樣大約一、兩蚊,我就喺側邊收錢同放入膠袋。」而說起街巿的難忘經歷,Catry指處理活雞是他始終完成不了的項目,「未有H5N1時,街巿仲有好多活雞檔,我當時有試過幫我媽媽劏雞,但唔夠膽又唔夠手起刀落爽快,所以都未能完成。因為通常要先割頸,然後倒吊放血,再放喺熱水度處理雞毛,但我都係習慣唔到。」他指現時大部分處理工序都會在中央屠宰場完成,所以此些畫面已成回憶了。



從沒因背景而自卑
Catry指很多人會覺得街巿工作屬「下欄嘢」,但他覺得職業無分貴賤,不可以小覷每一個人,他亦從來沒有因為自己街巿出身的背景而自卑過,小時候更不介意告訴同學自己的家人在街巿中經營菜檔、雞檔。反而,她的表姐,在《阿女又戀嚟》節目播出後,向Catry坦言,自己自小就不敢與朋友們坦白自己家中經營街巿攤檔,怕被別人看不起,「表姐話見到我喺節目度咁坦白同面對自己成長環境,佢話覺得好釋懷。」

因為Catry覺得職業無分貴賤,「唔可以睇低每一個人,因為每一個人嘅力量都好大,值得被敬佩。我哋喺香港生活已經係一件好了不起嘅事,所以唔可以睇小任何一個人。」他覺得街巿的成長環境,令他比其他人有更強的毅力,做事不會輕易放棄,而且待人坦率,因而得到更加多工作上的發展機會。
 
愛設計與表演 
Catry入讀寄宿學校後,就減少了在街巿幫忙,而中學畢業後,他在明愛白英奇專業學校修讀設計畢業,之後曾在電視台的服裝部擔任設計工作,不過有感工作單調沉悶,故轉行教跳舞。「我18歲開始學跳舞,21歲就開始教班,而喺冇做服裝設計後,就全職教跳舞。」當上全職跳舞導師及舞蹈員後,Catry曾參與過甄妮演員會當伴舞及譚嘉儀MV拍攝等。

即睇Catry參與過的項目:﹙按圖了解﹚


去年於疫巿中更開辦了自己的跳舞學校Studio5678hk,不過從事演藝事業很多時都是被動的,所以當問及Catry會否有想放棄的時刻,他坦言表示:「當然有。畢竟已經跳咗舞15年,唔知自己可以跳到幾時,不過見到有好多學生喺度搵到朋友、享受課程、令到生活更開心,仲有好多人成功減肥搵到自信,自己都會好有成功感,因而可以堅持落去,覺得自己做嘅嘢係值得。」

他覺得,自己的成長背景一直都帶領他向前進,遇到甚麼困難都會有解決方法,而遇到每一個機會都會珍惜和好好把握,「要真誠、投入咁去做,一定會有人留意到,同埋會有好結果。」至於街巿檔口在將來會否沒有人接手,Catry表示,將來的事沒人知曉,自己可能隨時會回去幫忙也說不定!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…
延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」
延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

 
Look out for further updates on our Facebook fan page!

Related Articles

  • 【NGO熱話】女上司冇見識、日鬧夜鬧 新同事即辭職:點解要咁卑微?

    工作遇到衰上司的機會比遇到好上司的機會高,不過打工仔深明好上司難求,所以就算平時被鬧、被不公平對待、被針對,都視為成人社會中必需面對的無奈,為求生活,就唯有忍下去……不知各位打工仔又是否如此認為呢?

  • 【職場文化】呃法國實習生 花枝丸係炸牛眼 結果… 網民齊炮轟:自己攞嚟衰!

    暑假通常都是大部分大學生的實習季節,不少公司都設有實習生的位置,不過大家究竟是歡迎實習的同學,還是會欺負他們呢?其實會以大欺小地欺負實習生、以他們來開玩笑的人,實在有欠得體,明明自己都曾經是新人,如此對待仍是學生的他們,只會顯得自己幼稚和低級。

  • 【職場人際】同事話新人請食飯係基本禮貌 網民:恰你恰到上心口

    職場新人入職第一日,通常同組同事都會一起吃午餐,當是「welcome lunch」,歡迎新同事的加入。有網民在Dcard討論區以「同事話新人請大家食飯係基本禮貌」為題,指第一日入職,被前輩「屈」請食飯;反問網友曾否遇過這種職場文化。究竟事發經過是怎樣?其他網民又有什麼回應?

  • 【職場熱話】女同事去廁所文化極差!用腳踢門、大力放廁板 同事:嚇到我尿都停

    公司令人最激心的是很多人都不懂得去廁所!沒公德心的人原來大有人在!沒沖廁、站在廁板上、一地都是排泄物、又有水又有血,非常恐怖!有時你見到該同事外表斯文有禮,怎料上廁所時,卻像野人一樣!

  • 【職場人際】結婚一定要請同事? 網民:請咗又話貪人情

    結婚是人生喜事,同時亦是私人事務,雖然值得慶祝,但打工仔可能會希望保持低調,留有私人空間。有網民在社交平台專頁《奴工處》投稿,指自己因為結婚要請假,和同事夾假時,被發現即將結婚一事,結果被同事指責「唔識做」;有網民回應表示:「連結婚都唔想畀同事知」。究竟事發經過是怎樣?

  • 【職場熱話】打工仔大嘆破冰失敗:last day派散水餅畀個衰同事 點知佢唔領情…

    Last Day派散水餅,是一個傳統又麻煩的活動,由挑選甚麼款式的散水餅,到你要派給甚麼人、不派給甚麼人,都是一大煩惱。如果有某些同事,與你關係一直不算太好,你還會派給他嗎?

  • 【職場兩性】女上司男友不停send訊息騷擾 打工仔苦惱:話唔話畀經理聽好?

    網絡作家老婆偷食男教師,鬧得無滿風雨,不少人都難以置信多年感情,竟然不敵新歡……事主很可憐,同時令更很多人都對另一半「出軌」很恐懼……而公司共事的同事,很多時都是出軌的對象,要怎樣才可以有效阻止禁忌戀情的發展?

  • 【NGO熱話】放棄做酒店 想轉行NGO 家人反對兼鬧到狗血淋頭……

    工作佔了人生大部分時間,找到一份適合自己的工作、一個適合自己的行業,是一件很重要的事。能以自己的興趣行先來找工作,是一件好事,不過,如果得不到家人的支持,卻是一件苦事……

  • 【職場熱話】同事犯錯上司鍾意CC畀老細 自己計錯數被CC反大鬧:唔應該擺上枱!

    很多辦公室都仍然密集式地使用email來溝通,不過使用電郵的禮儀卻未必個個都懂,因而會造成很多誤會,或會得罪其他同事……亦有些就根本不是誤會,而是故意的心計……

  • 【職場熱話】同事成日話辭職十年都唔走 打工仔︰想呃人走自己做大佬啫!

    打工仔難免工作壓力大,當中更不少人經常以「想辭職」作口頭襌。有網民在高登討論區發文,指「成日話唔撈啲人,通常都唔會走」;當中有網民表示認同,指「呢樣真,反而唔聲唔聲先會突然唔撈」,你又曾否遇過經常提辭職的同事,直到你離職時,他仍在公司「奮鬥」的情況呢?