【另類職人】街巿出身空姐轉行開凍肉鋪 無暇因公司倒閉而失落:要向前行生活!

Vanessa由空姐轉行到開設凍肉鋪家.嚐,店中以售賣各種凍肉、急凍刺身及其他雜貨為主。


撰文:霍芷晴 攝影:matt

港龍航空因疫情而於去年無奈倒閉,不少航空業的空服人員因此而失業,有些人還在盼望有一日可以重新於空中為大家帶來愉快的航空體驗,亦有更多人轉行或創業,尋求新的出路!

曾為港龍航空服務了11年之久的Vanessa,經歷裁員潮後,她現已創業重新出發,開設了凍肉雜貨店「家.嚐」﹙家嚐優質食材店 Taste of Home﹚,她笑言:「做空姐係我自細嘅夢想,而我已經完成咗心願,所以已經無悔,依家希望以另一個方式去為生活、家庭而努力!」

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

空姐生活充實 但要往前看
很多人都覺得空姐的生活多姿多彩而考慮入行,而Vanessa分享自小已視當空姐為夢想,其實是因為受藝人馮素波的影響,「我大學修讀Marketing,畢業後冇做返本行,反而去做空姐。當細個喺街市開檔,馮素波嚟我哋嘅檔口,請我食咗一粒航空公司出品嘅朱古力,我覺得好好味!所以心裡一直對航空公司產生咗興趣。直到大個咗,就膽粗粗去考空姐,最後被取錄,令我夢想成真!」

回憶起當空姐的生活,Vanessa雀躍地分享,指自己曾遇過不少名人,如周潤發、劉德華等,又曾因為懷孕而轉到公司保安部工作,處理飛機失竊等文書工作,她覺得充滿樂趣!「不過,其實喺2019年時,我哋都有收消息話公司可能會執笠,所以當時就已經認真籌備轉行創業嘅事,始終有樓要供,有小朋友要養。」

Vanessa曾與不少藝人合照,即睇她的空姐工作照:﹙按圖了解﹚

旺角分店仍保留了冰室的地磚。
旺角分店仍保留了冰室的地磚。

開凍肉鋪因為食
當問及Vanessa為甚麼會有轉行開凍肉鋪的念頭,她反應迅速地說:「因為自己好為食!加上疫情下對零售業、餐飲業有好大影響,大家唔可以出街食飯,喺屋企整嘢食嘅機會多咗,同埋依家好多人都有興趣用氣炸鍋同蒸焗爐煮食,所以凍肉同雜貨嘅需求大增!」由此發現商機的她,便慢慢着手選址、入貨等事宜。

現在家.嚐有旺角和科學園鋪,Vanessa會兩邊走。

Vanessa指在創業的過程遇到很多困難,最重要是甚麼都問,「打爛沙盤問到篤,問批發、問凍櫃供應公司、問客人、問廚師、問有經驗嘅人,盡量有幾多學幾多,希望克服所有嘢。」現時「家.嚐」有兩間鋪,分別選址旺角和科學園,Vanessa坦言兩邊的客路都大有不同,而為甚麼會選址於此呢?

她回答道:「旺角舖前身係中國冰室,經常被借嚟拍戲嘅地方,聽業主講,冰室佢哋唔想再做落去,所以無續租兩個月。到我哋四月搵到呢個舖位,覺得好有特色,亦希望留低咁有特色嘅地方。但好可惜,因為前租客唔想下一手租客做茶餐廳又用佢哋之前嘅裝修,所以已經拆除好多特色嘅地方。我哋最後只可保留到地下馬賽克嘅階磚。」

《PTU》劇照。
《PTU》劇照。
旺角分店仍保留了冰室的地磚。

一年內開兩間凍肉鋪
旺角鋪於去年5月開業,而科學園店則於今年7月正式運作,Vanessa指:「之前同屋企人經過白石角,發覺原來呢度都有好多人經過,所以就去探索呢度,而且科學園嘅管理公司及管理層亦好積極協助我哋,令我哋最終可以喺呢度開第二間分店。呢邊嘅客人以上班族為主,同時開發兩邊嘅客路,有助我哋更加了解客人嘅喜好同口味,方便日後入貨!」

家.嚐有咩賣?即睇Vanessa推介:﹙按圖了解﹚

另外,Vanessa極力推介這款牡丹蝦,每隻都非常大隻,解凍後便可以即食的刺身。
Vanessa指紐西蘭的豬斧頭排都很受歡迎。
+12
急凍紅燒鮑魚亦很多人選購。
+11
採訪當日,Vanessa雀躍地推介:「Asahi最近出咗烏龍茶,比一般烏龍茶清甜,你哋一定要試吓!」
日本出品的大粒帶子刺身。
各式各樣的牛排,適合燒烤和打邊爐。
Vanessa指這款日本長卷蛋亦很好食。
還有原個藍莓芝士蛋糕,Vanessa指有酒店餅房都是用這間供應商。
此外,店中還有不同國家的醬料。
此外,店中還有不同國家的醬料。
此外,店中還有不同國家的醬料。
日本的酒都是各位客人的寵兒。
Vanessa還會購入特別的貨品,「有時係員工食過話好味,然後我入嚟賣,通常就係咁而發現新貨品。」
湯包亦有出售。
科學園店,「呢邊嘅客人以上班族為主,同時開發兩邊嘅客路,有助我哋更加了解客人嘅喜好同口味,方便日後入貨!」

而於一年內開兩鋪,Vanessa指同時希望可以幫助其他失業人士,增加就業機會,「我哋冇諗過賺,唔蝕錢而又幫到其他人,已經好足夠。我唔想其他人好似我失業嗰時咁,變成徬徨無助嘅人。」

 

自小因街巿出身而自卑
不過,其實開凍肉鋪並不是Vanessa第一次做生意的經驗,她笑說:「我婆婆有9個仔女,由佢嗰代就開始做街巿,我哋爸爸媽媽嗰代分別有做魚檔、雞檔同菜檔,我屋企係菜檔嘅代表,到依家十幾個表兄弟姊妹都仲有人做緊街巿。」於街巿出身,自小已經在檔口幫手的Vanessa指,整個童年都幾乎在菜檔中度過,在檔口中玩耍、做功課、溫書、幫忙收錢,只是,她坦言小時候不敢向同學和朋友明言自己家人經營街巿,怕會被人「睇唔起」,怕被人笑說是「下欄」工作。

直到長大後,明白到職業無分貴賤,Vanessa反而會為自己爸爸媽媽覺得驕傲,「好感激佢哋養育之恩。因為當時爸爸媽媽天未光已經起身去街市開檔,佢哋都係準備好檔口,服務嚟買嘢煮飯嘅人。佢哋又唔係偷又唔係去搶,利用自己嘅血汗,去換取一分一毫,養活一家四口,令我同細佬可以去讀書,做自己想做嘅事情。」

Vanessa與員工的關係甚好,訪問期間大家都很配合,亦不停有說有笑,Vanessa指希望這份工作可以幫到員工們的生計。
轉行開凍肉鋪,Vanessa笑指是因為自己為食。
Vanessa甚麼事情都親力親為,採訪當日她正在接貨和執貨,訪問結束後,她又負責收銀,非常忙碌。
 

Vanessa亦表示:「佢哋教咗我好多做人及生意做生意的道理。加上我哋成個家族都是經營食物零售,所以對食物供應、零售操作同人際網絡都唔會陌生,家人嘅支持有助我依家營運及管理家.嚐!」

而Vanessa的短期目標是發展網購服務,「每星期我哋亦都收到好多查詢問可唔可以提供送貨服務。所以我哋嘅團隊好希望可以回應大家嘅需求。」同時,她希望可以透過家.嚐繼續發放正能量,盡力做好旺角同科學園分店,回饋支持他們的客人。

 

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!