comScoreTag
FancyBox
FancyBox

人際八卦

只是同事,毋須動氣


賈心潔



take it easy
不是面書add了的就是「Friend」,朋友是在一起的時候,不會有誰畀面(或不畀面)誰的罪惡感。

「死啦!x同事約我去Happy Hour。」騰雞同事W求救。「咩呀,老細迫你星期六日返工就死啫,朋友約Happy Hour死乜嘢?」我最憎經常性「死啦死啦」掛嘴邊的小學雞,按奈不住再插一句︰「想去就兩個字,唔想去就三個字。係咁!」

「嗚呀!心潔你講就容易……人地叫到,唔係話唔想去就可以推得一乾二淨。」W一副有理說不清的T_T表情。

Sorry,係我唔明,亦唔buy︰「Fine,我呢世女都唔會明,咁你自己拆掂佢。」

我就是明白,人生有太多事情控制不了,我們就稱之為「意外」——意料之外。所以Hap不Happy Hour這等小事,犯不著去苦惱。或者這樣說,渺小的人類可以掌握的,也不過是決定去或不去Happy Hour之類的雞毛。

人一生的時間非常有限,買少見少,「畀面派對」簡直揮霍青春,不值得。我不反對「派對」,真的有種人認定「相識滿天下」是件好威威的事,如果心底裡忠誠奉信這個信條,好呀好呀,酒肉朋友、夜夜笙歌,不亦樂乎。不過,若然壓根兒就不認同,或者畀面畀得不順氣,何苦為難自己?

話不投機半句多,也許只有內心夠強的人才可以明暸。不是面書add了的就是「Friend」,朋友必須真實、真誠、有血有肉、有歷史、有心;不必常常見面,但即使不見我們都知道他們一定在;在一起的時候,不會有誰畀面(或不畀面)誰的罪惡感。

「唔係哩,咁點算呀?」W賴死。

「如果我係你,求其一句『好,搵日丫』就了結咗件事。」W呀W,怎麼你看不出我在努力hea你,只求了結咗件事?

「係咪Friend呀你?」W自殺式發問。

「我做嘢先啦,同事。」多謝提醒,我們只是同事,不是朋友,所以不必動氣了。

延伸閱讀︰
- 告別前世砧板腦

- 10件不得不在廁所做的事

- haha point是這樣笑出來的

- 所謂的「埋堆」

- 如果沉默太沉重

上載日期︰2013年11月29日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email