comScoreTag
FancyBox
FancyBox

Workplace Gossip

同情是對敵人最大的侮辱


董德少



empathy

「同情是對敵人最大的侮辱。」這句太得勢不饒人,我不敢說出口。

「其實我開始有少少同情佢。」挑通眼眉同事F突然感觸,殺我一個措手不及。「天下間,邊個慘到獲得你嘅同情?」F挑通眼眉,照計沒可能會同情人。

原來,F所指的「佢」,是他的上司M。M是那種得勢不饒人的人,對下屬表面上客客氣氣,背後做的事……就是不少上司會對下屬做的事囉,見怪不怪。(利申︰沒有說這是對的。)

我也從M口中聽過不少F的壞話。有人自知力有不逮,才以另類手段鞏固自己的所謂「勢力範圍」也說不定。

「唔係咩?佢之前做咩垃圾都有人讚佢好好好,而家一沉百踩。」F見我沒說話,繼續︰「啲人可以咁對佢,一樣可以咁對我。」

「你唔係憎到佢死架咩?」我衰格,chok了F一下。

「得鬼閒憎佢。不過係覺得佢煩,會吸血嘅烏蠅一樣咁煩!又嘈又整到人好痕!不過今次真係慘慘地,高材生留班,點受得來。同埋而家出事又無人幫佢。」F真是沒有惡意的。他這個人,平日藐盡天下事,大家以為他生人勿近,怎料會同情M的,就只有他一個。我沒有不同情M,但亦沒有特別同情他。各不拖欠,我不同情你,更不想給你同情我的機會。

人緣這回事,是平日「集郵」集回來的成果。本來想說「所以有風就真係唔好駛咁盡」,不過又覺得太娘太唔型,所以改口︰「係架,你小心我轉個頭就踩你踩到透。」

「你咪踩飽佢囉,況且人地踩我嘅說話……你都唔會聽得少架啦……可。我行得正企得正,有咩好驚?」F淡然。

「同情是對敵人最大的侮辱。」這句太得勢不饒人,我不敢說出口。

延伸閱讀︰
- 你hea我hea佢

- 侮辱性加薪

- 80後笑90後

- 假如沒有遇過x老細……

- 詛咒「射波」星期一

上載日期︰2014年3月24日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email