comScoreTag
FancyBox
FancyBox

CV 履歷

【呢d咪搞】5大省時搵工法


CTgoodjobs編輯部



CV, resume, 搵工, 求職, 招聘, HR

sending recruitment cv
搵工send CV,唔使急,最緊要快!

搵工send CV,要「搵得其法」,須分秒必爭,速戰速決。不少求職者「係又send,唔係又send」;亦有HR反映,不時收到「九唔搭八」的CV和求職信,「浪費大家時間」。CTgoodjobs編輯部奉勸各位求職者,與其花時間漁翁撒網式亂send無謂CV磨爛蓆,倒不如集中火力。

要提升求職搵工的效率,極速搵好工,就要「出師有命」,無謂的事統統不做。求職期間,5大「咪搞」︰

1/ 不夠資格的,唔高攀!
不少招聘廣告都會標明該職位要求的學歷和工作經驗等背景,求職者宜量力而為,只欠1年至2年工作經驗者,當然不妨一試;然而,若與要求差距太大,就唔該Next。勉強無幸福,做人要腳踏實地。

2/ 不想做的,唔申請!
想做甚麼工,不想做甚麼工,求職者自己心知肚明。為了「搵工」而搵工,即使in得成,一樣很快又要再搵工。跳槽來跳槽去,反而「寫花」份CV,對「仕途」更不利。

3/ 不度身訂造的CV,唔send!
經常有HR投訴求職者「一份CV走天涯」,毫無誠意可言。求職者要顯示誠意,其實不難——為每間公司、每個職位度身訂造一份獨一無二的CV和求職信。尤其是Job Ref.編號要準確,而關鍵字亦要中point。更多關於CV關鍵字,按此

4/ 死牛一面頸,唔做!
有部分求職者異常「專一」,例如搵工只會揭報紙、只會透過中介公司、只會搵勞工處或社工轉介……上述方法都無可厚非,出事在於「只會」兩個字。不管做人還是搵工,都要識「轉彎」,例如同時上求職網、瀏覽個別公司網頁、找朋友介紹……別錯過任何一份心儀好工。

5/ 呆等,唔制!
CV send了、連工都見埋了,就可以翹埋雙手懶懶閒嗎?休息回氣可以,但千萬不要以為send過信、in過下就能夠功成身退。請務必繼續努力!直至找到心目中的絕世筍工。

不得不承認,搵工和寫CV的確是件相當花時間的事。不過,只要搵到份筍工,一切都是值得的。

延伸閱讀︰
- CV「畝奶油」唔捉「厚多士」

- 【識寫寫呢D】CV詞彙30個

- 【甜一甜】CV與求職信是……

- CV vs 求職信︰6大魔鬼細節

- 5大被byebye CV漏洞

上載日期︰2014年5月22日
讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email