【國際視野】7大冷怪工（+考批判）

有錢使得鬼推磨……打工仔打工，然後花錢使錢請人代勞，完成己所不欲的事。而人，不想或不懂自己處理的事，實在太多太多……CTgoodjobs編輯仔今期一於跟大家放眼世界，培養國際視野，了解環球7大冷門怪工，實行邊搵工邊開眼界。

環球7大冷門怪工：
1/ 狗糧試食專員
份工做乜？負責試食各款新出狗糧，包括狗骨頭、肉罐頭和餅乾等。從業員須具備鑒別狗仔口味的能力，以確保狗糧中的每種成分都能完美配搭。

薪酬/ 福利：月薪介乎$1.9萬至$4.8萬；包伙食（狗糧都算卦……）

批判思維題︰人點知狗仔的口味呢？延伸思考︰知魚之樂？

2/ 全職電影觀眾
份工做乜？受招聘於美國影碟出租公司，每日負責瘋狂睇戲，審視所有即將出售的電影和劇集，並撰寫影評介紹。

薪酬/ 福利：So位之唔係可以收錢睇戲囉。

批判思維題︰真正的電影迷，一上畫就入戲院睇戲啦；非電影迷而要瘋狂睇戲，都幾難捱。

3/ 抱抱專員
份工做乜？睇準「寂寞商機」，慰藉無數空虛心靈；主要客源來自單身一族；服務除抱抱外，亦包括對話談心，但並不涉及「吐bear苦嗚」。

薪酬/ 福利：時薪約$590；打正旗號邊返工邊吹水，2個字：「爽YY！」

批判思維題︰可以用錢買寂寞嗎？如果錢買不到寂寞，我們又怎能夠憑甚麼買「不寂寞」？

4/ 香口膠專員
份工做乜？每日咀嚼同一塊香口膠，記錄它在不同時間的味道、質地和口感。

薪酬/ 福利：返工可以順便做埋瘦面運動。

批判思維題︰世上到底有幾多款香口膠，可以支持這樣的「事業發展」？

5/ 滑水梯測試員
份工做乜？走遍公司旗下的度假區，試玩所有滑梯並加以評分。

薪酬/ 福利：月薪達$2.1萬；每年只須工作6個月，更可額外在指定度假區內享用1次雙人全包8天假期。

批判思維題︰當工作變成玩樂，到底是「寓工作於娛樂」，還是「做嗰行厭嗰行」？要達到「寓工作於娛樂」的境界，甚麼條件最重要？

6/ 品水師
份工做乜？顧名思義，品水師的工作是要品嘗各種水的味道，並配搭出適合客人用餐的水。

薪酬/ 福利：飽唔飽……睇下有無「情」囉。

批判思維題︰當人類「文明」走到極終，就連水的味道都要由他人告知；所有資訊都是第2層。

7/ 雞隻性別分辨員
份工做乜？專責準確分辨出小雞性別（平均每秒鐘3隻）；每日工作12小時，過程中只容許2%至3%的失誤。

薪酬/ 福利：月薪$4萬；返工對雞仔總好過湊「腦細」。

批判思維題︰拎起隻雞仔、望望隻雞仔、分雞仔雞女、放低隻雞仔；再拎起第2隻雞仔……有幾多秒，自己數。每秒3隻，如何做到？

終極思維︰每個職業、每份工作都有箇中「專業性」，能否抓住個人定位，發光發亮，得看個人造化。

延伸閱讀︰
-【搵工懶人包】100款CV即時下載

-【自訂身價】10大熱門技能咩價位？

-【即食CV】10大範本（+薪酬指數）

-【辭職信】識寫咁寫（+ 4即食範本）

-【Less is More】1頁CV是怎樣煉成的？

上載日期︰2015年3月26日