comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


好人是如何變衰的?

撰文︰董德少

gossip
你同其他人呻,傳啲咩故事出嚟都唔好。
「我就唔信佢真係咁好人囉,扮晒嘢。」同事J咬牙切齒說。這個嬲到面容扭曲、咁大個人都唔化的小妮子J,小弟心裡覺得有趣。

然而,為了捍衛本人喜怒不形於色的個人品牌,表面只能強裝冷靜說︰「你喺度自己嬲都幫唔到件事,啲嘢始終都要你去做。」

「德少,你覺得佢係好人?」J明顯直接過濾了我的苦口婆心,繼續說自己的話,非迫我表態不可。(介紹返,J口中的「佢」——姑且稱他做X,是J的同級同事,說得好聽是互相Backup補足,說得殘忍就是直接競爭對手。)

交代一下人物背景︰
- J是出名的潑辣辣椒仔,凡事有碗話碗。腳踏實地、不好出風頭既是她的優點,同時亦是上位的絆腳石。
- X則相反,是天生的吹水高手,Presentation skills誇啦啦,不過說到做實事,就往往無能為力。

二人本來合作無間,實幹的J努力揼Proposal,由吹水唔抹嘴的X匯報,理應相得益彰。然而這一次,X唔該都無聲,就將J的成果來個大挪移,說成自己做的一樣,攞晒彩。J固然不爽。

辦公室是一條弱肉強食的生態鍊,「好不好人」並非生存的關鍵。但,面對這個心中有火,糾結於「好人」和「壞人」二元對立的天真J,我又怎忍心說穿?反正要明白的終會明白。

見我沒說話,J心有不甘,追問︰「德少,你唔好同我講人性本善。」

J將辦公室糾紛提升到哲學層次,可見個人修養有番咁上下,愈來愈有意思。就憑他先搬出「唔好同我講人性本善」,而不是說「我肯定人性本惡」,有理由相信,最相信人性本善的是J本人。

「你咁嘅性格好蝕底架阿妹。」只有講骨氣的人才懂得欣賞有骨氣的人;軟皮蛇是識得「化骨綿掌」的。我繼續︰「硬撞硬通常行唔通。呢啲嘢你同我講好喇,你同其他人呻,傳啲咩故事出嚟都唔好。否則,衰人就變咗係你喇。知你係實幹型,就實幹到底。」

延伸閱讀︰
- 職場8件一早明白、最好不明的事

- 新工人工低過而家,走不走?

- 畀次機會呀,老細……

- 辭職問邊個?

- 你想自己走?定我炒你?

上載日期︰2015年5月18日

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email