comScoreTag
FancyBox
FancyBox

Workplace Gossip

好老細絕晒種?(6題Check下佢)





我老細真係好鬼衰、勁賤囉、堅唔掂、真係好「腦細」;老細呢個物種,講就天下無敵,幾時見佢落手落腳去做?我頂佢唔順㗎喇,如果有朝一日辭職,一定係因為佢……

編輯仔偶爾聽聞上述言論——所謂「偶爾」,固然是客氣之言。在「老細」這個議題上,高中低級的打工仔都無分你我,陣線一致。

而諷刺的是,在這邊廂激昂地痛罵他人的,分分鐘在那邊廂亦正被熱烈地「問候」著。須知道,打工仔有「老細」;而老細之上亦有大老細;大老細對上,還有大大老細、大大大老細,如此類推。這是一條食物鍊,唇齒相依。

【延伸閱讀】王維基:挑剔你老細 一定沒有運行!
【延伸閱讀】Ben Sir妙解職場術語 「捽數」猶如「捽老泥」

別誤會,編輯仔並非要為衰老闆說好話,不幸遇上(也算平常),奉勸拿拿臨狠撇,以免磋跎歲月。不過又咁,正因為好老闆難求,咁好彩遇到,還望各位打工仔千萬別走寶,或好人當賊扮。

無論做好人,還是做好老闆,不外乎善良、正直、聰明、能幹4大要素。爬到高位做到「老細」的,口袋裡總有點小聰明,總要做到啲嘢——姑勿論是哪一種聰明、做到邊一啲嘢。

留意番,徒有小聰明和才幹,卻欠善良與正直,是相當危險的。老闆善良正直,手腳笨一點、做事甩漏一點,還是比陰險而堅揪的跟得過。

【延伸閱讀】6招應付「控制狂」老細
【延伸閱讀】老細方丈又離地 點樣湊掂你老細?

評估好老闆︰
1/ 他誠實嗎?
在爾虞我詐的職場上,誠實的人未必是賺最多錢的,卻一定最跟得過。

2/ 他說到做到嗎?
說過會撐就一定會撐,說過升你就真係升你,說過出生入死就出生入死,這樣的老闆唔跟,跟誰?

3/ 他打會企定嗎?
有鑊,有些老闆急不及待找個人「祭旗」;有些則義不容辭親自去頂,高下立見。

4/ 他會否口出惡言?
職場如戰場,衝突和分歧在所難免。好老闆是無論幾火滾幾委屈,都不會將下屬當作出氣袋,更不會口出狂言罵人︰「死蠢」、「無能」、「垃圾」。

5/ 他是否待人以寬?
懂得體諒、善於原諒的老細,一定要mark實,分分鐘人都長命幾年。

6/ 他會否跟下屬分甘同味?
又要威又要戴頭盔的老細愈乞人憎,愈顯得不居功的老闆難能可貴。看他分花紅、加人工的出手,可知一二。

據非正式統計,10個打工仔有7個因為頂唔順老闆或直屬上司而劈炮;而10個留守的打工仔中,大概也有9個半以上因為好老闆而攆都唔走吧。

【延伸閱讀】Appraisal 攻略大作戰 如何叫老細加人工
【延伸閱讀】田北辰有脾氣 自認「難湊」老細

更多湊老細貼士,密切留意CTgoodjobs x TOPick 新聞「湊掂你老細」系列!


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email