如果沉默太沉重

「喂，做咩唔講嘢？」我問朋友B。有「理論王」之稱的B，明明極度熱衷於偉論發表，一班朋友以擠牙膏的方式擠出幾小時參與聚會，他粒聲唔出，簡直暴殄天物。

「唔想講嘢，亦無嘢想講。」原來只要少說兩句話，人人都可以為自己塑造智者形象。這一刻的B，散發出前所未有的魅力。突然想起一句話，並衝口而出︰「丫，啲女仔一唔講嘢就叫做有氣質。」

「有無聽過一個叫『選擇性沉默』嘅term？」B問。感受到他「師兄回來了」的氣息，我識趣地搖搖頭，並以一個極度無知的眼神回應他。

B清清喉嚨，說︰「其實呢個係心理上嘅疲勞症，人面對生活上種種無形壓力同沉重心理負擔，就有可能唔想講嘢。沉默基本上係一種人類自我保護嘅機制，不過過分沉默嘅人，就可能要負上孤僻、冷漠或西面嘅罪名。」他望望我確保我在聆聽，又繼續︰「一般嚟講，收咗工就唔想講嘢嘅人，都承受住比較大嘅社會或工作壓力，因而失去對生活細節原有嘅興趣同熱情。」

「下，咁點~算呀？」我驚愕。

「其實唔難。每日收工，都提醒自己『已經收咗工』；有人甚至會進行一啲儀式，簡單如除咗條呔、換番套便衣、一個擁抱，都幫到好多。其實最重要，莫過於留一啲時間同空白畀自己，睇書、散步、食啲嘢、自己同自己傾下偈咩都好。」B專家上身。

然後，到我專家上身︰「拿，咁你知要點做啦可。」

延伸閱讀︰
- 成日俾人講是非，點算？

- 「屎」上最爆爽辭職

- 搵工靠Chok

- OT O到蝕入肉

- 啲同事「目及」我個芒

上載日期︰2013年10月18日