comScoreTag
FancyBox
FancyBox

Self-enhancement

【小薯求生包】假期後回魂7大法


文:子都



aftervacation
與其hea吓hea吓頹住做,不如開行turbo。

一年容易又復活,話咁快就放完4日假。留意返,喪玩喪食完都係要返工㗎。唔想呆呆滯滯畀老細照肺兼OT,可以參考以下回魂大法。

1/ 星期三或四返港
長假期好多打工仔會選擇去旅行,如非必要,唔好一到香港第二日即刻返工,因為精神一定差,十足walking dead咁,效率低不特止,分分鐘搞到自己病埋,攞苦黎辛。如果時間許可,不妨揀星期三或四返港,咁你捱多一兩日就有weekend回回氣,應該可以幫你回魂。

2/ 返工前做好準備
返到香港第二日唔返工,唔代表無嘢做,全日喺屋企瞓覺。你應該花20分鐘,釐清嚟緊一星期要完成嘅項目,等你返到工作崗位時易啲上手,無咁崩潰。其實每逢星期日都可以咁做,包你事半功倍踢走Monday blue。

3/ 早起冥想
返嚟之後嗰朝,不妨比平日早半個至一個鐘起身,沉澱思緒,確立當日或嗰個禮拜嘅目標,有助你儘快回歸日常生活同工作規律。

4/ 控制飲食
放假通常一係食好西,一係食垃圾食物,高油鹽糖嘅餐單對身體有害無益,除咗積聚脂肪,仲會令人精神變差。想回復狀態同效率,可以買高纖、天然嘅食材,親自下廚,記得落少啲油鹽糖呀!

5/ 花少少時間catch up
終於返到office,開工前同你合作開/相熟嘅同事傾個偈,用5分鐘了解吓你唔喺公司期間發生過咩事、跟開嘅Project進度如何等等。

6/ 倒序睇email
放完假返嚟,inbox必定被轟炸,N封email等住你,點算?可以用last in first out嘅方法,由日期最近嗰封開始睇(唔好跟收到嘅先後次序)。你會發現,好多問題喺你返公司前已經解決咗,無須再跟進。

7/ 專注大Project
至少安排一個大Project喺你返嚟之後進行。點解?因為與其hea吓hea吓頹住做,不如開行turbo。大Project會逼使你更快投入工作,亦會令你更有動力,呢種衝勁仲可以一直維持落去!

延伸閱讀︰
-【小薯求生包】畀人讚,應該點應好?

-【小薯求生包】4招完美結束對話

-【小薯求生包】Email潛規則6個

-【小薯求生包】7招贏在死線前


讚好 CTgoodjobs 專頁,獲取更多求職資訊!

Free Subscription

Email