【小薯求生包】畀人讚,應該點應好?

文:子都

bosspraise
人地讚你(如果唔係寸你),即係肯定你嘅努力同成果。

畀人讚梗係暗爽啦,但有時真係唔知點答,直接認咗佢好似太囂張,扯開話題又太突兀,最後搞到場面尷尷尬尬。打工仔,係時候向老尷說不!注意以下5大禁忌,包你回應得大方得體。

1/ 扯開話題
小生都明,好多人扯開話題係因為驚講落去顯得自己太自大,不斷邀功搏like咁,於是當同事或上司讚佢,佢會答:「唏!講呢啲!」,或者「阿邊個邊個其實仲犀利啦!」,實行耍走對方兼扮謙虛,但咁樣會令對方唔知畀咩反應你,最後老尷收場。其實只要簡單講句Thank you就OK啦。

2/ 無講多謝
人地讚你(如果唔係寸你),即係肯定你嘅努力同成果,你應該報以一句由衷嘅「多謝」,以顯示你嘅禮貌同專業。而且,一句「多謝」絕對會比你嘗試扯開話題更快結束話題。

3/ 以退為進搏更多like
有時你以為自己表現謙遜,其實潛意識係想搏更多like。即係點?即係人地讚你「你頭先present得好好呀」,然後你答「邊係丫,我講嘢講到一舊舊」。你以為係自嘲、自謙之詞(可能你原本意圖真係咁),但你會令到對方覺得有必要改變你消極嘅態度,增強你嘅信心,最後讚多你幾句,搞到個話題沒完沒了。

4/ 無留意身體語言
身體語言往往比口語傳遞更多信息,而接受讚賞時要表現得自信同專業,你嘅身體語言尤其重要。對讚賞表示感激只係第一步,你仲要面帶微笑,同讚你嘅人保持目光接觸,肢體呈開放式姿態,先會顯出你嘅真誠。切記避免翹起雙手或移開視線。

5/ 無禮尚往來
人地讚你,如果你老奉聽完就算,都真係幾寸幾唔識做。學識欣賞其他人嘅付出、犧牲同成果,唔好吝嗇你嘅讚美,日積月累,同事自然對你留低好印象,認為你係一個正面積極、富合作精神,願意同大家共同進退嘅隊友。

延伸閱讀︰
-【小薯求生包】4招完美結束對話

-【小薯求生包】Email潛規則6個

-【小薯求生包】7招贏在死線前

上載日期︰2016年9月8日


Look out for further updates on our Facebook fan page!

Related Articles

  • 【自我增值】新入職必學 如何在30天建立職場好印象?

    凖備進入新公司時總是有很多事情擔心,如同事是否容易相處、主管性格如何等。無論是初入職場的新手或者剛轉新公司的職場老手,大家對你的第一印象容易影響未來職涯規劃。以下有7種方法,讓你建立職場好印象。

  • 【理財知識】「你嘅即係我嘅?」 情侶3個理財方法利與弊

    一生中有許多重要里程碑,而「婚姻」肯定是其中一個。

  • 【職場新知】5個從失敗中學習到的事

    沒有任何人的一生總是一帆風順,經歷高低起跌才是人生的常態。長大後,我們總是畏首畏尾,害怕做錯決定,害怕失敗。然而事實上,大部分社會認同的成功人士都曾經歷失敗,甚至是從失敗中學習,才能達致真正的成功。以下5件事,你或許可以從失敗中學會:

  • 【自我增值】聽歌能提升工作效率? 5類音樂你要聽

    音樂能幫助你放鬆心情,讓你流淚,或者快樂。外國一項研究顯示,聽音樂的人比沒有聽音樂的人更快完成工作及有更多較好的想法。以下就有5種音樂,有助提高工作效率。

  • 【自我增值】改善你的每一天 4件辦公室必備小物

    不能否認,打工仔每天坐在辦公室的時間比在躺在床上睡覺還要多。

  • 【職場新知】調查:8成打工仔曾在辦公室落淚 哭泣5大好處你要知

    都市人工作繁忙,面對排山倒海的工作,無理取鬧的上司和客戶,無法解決的工作難題,打工仔難免情緒失控,在辦公室流下眼淚。

  • 【職場英語】加班淨係識講OT?馬米高教你講英文

    香港一向被譽為國際城市,大部分人都有一定程度的教育水平,然而市民的英語水平卻參差不齊,不想大出洋相,就要跟英文人生教練馬米高學英文。

  • 【自我增值】5種正面心態 應對生活轉變

    「人生不如意事十常八九」,面對生活上的轉變,我們有時會變得不知所措。

  • 【自我增值】待業等於浪費時間? 4件事助你更易搵工

    踏入職場後,你就會發現每日工作日程都排得密密麻麻,沒辦法停下來想清楚未來的職涯發展。

  • 【自我增值】打工仔必學 4個實用Email Tips

    大多打工仔於一天的工作中,應該要花上不少時間處理電郵。