【情人節】玩交友APP可以搵真愛?過來人分享6大成功配對秘訣

交友App近幾年大受歡迎,尤其在疫情下,單身人士較少機會出外結識朋友,唯有靠各類型的交友App,在虛擬世界中尋找心儀對象。很多人質疑網上交友的安全及出Pool成功率,讀者K小姐(化名)曾玩過至少5款交友App,最終於去年覓得真命天子,準備做牛年新娘。

延伸閱讀:【職場兩性】職業限制難拍拖?交友app成大勢 呢幾個有冇用?

讀者K小姐自稱「交友App資深用家」,由6年前起已開始玩Tinder,之後亦有瀏覽Coffee Meets Bagel、HEYMANDI、SweetRing等應用程式。她透過交友App認識了4任男朋友,當中拍得最長的就是現在的未婚夫,二人已交往約3年。

K小姐分享當初因為好奇而下載交友App,「我做嗰行八成都係女仔,連上興趣班讀韓文都係清一色女人,生活中好少見到老豆以外嘅異性。」她指一開始也很擔心被騙,每次聊天都架起保護屏障,又不敢出外見面,直至認識到第一個男朋友。「可能我算好彩,對方好正氣,仲畀咗好多意見我。佢話我之前太有危機感,收埋自己令男仔好卻步,覺得同我傾偈好無癮,自然無發展機會。」

自此K小姐慢慢開放心態,撇除以往對交友App的偏見,才發現其實網上交友與現實識朋友分別不大。「反而喺交友App會識到唔同行業、階層嘅人,選擇多咗亦令我更加清楚自己想要咩。」她又表示不太擔心安全問題,「講真而家想起一個人底有幾難,最緊要避免有金錢轇轕,同埋女仔學識保護自己。」

按圖了解K小姐分享的6大成功配對秘訣:

K小姐即將與未婚夫建立家庭,她透露二人是一見鍾情,由互Like對方到成為情侶僅是一星期時間。「大家都以結婚為大前提交往,雖然我哋興趣南轅北轍,但每日都有好多嘢想同對方分享,好有新鮮感。」她的身邊也有不少朋友從交友App中找到真愛,因此想鼓勵所有單身人士勇敢追求愛情,不要給予自己太多規限。

除了Tinder之外,市面上還有很多交友App選擇,如果想認識新朋友,可以試用:﹙按圖了解﹚

延伸閱讀:【情人節】不同職業的人會如何表白?12種行業令女生心動的撩妹語錄

延伸閱讀:【兩性關係】畢業後工作多年 識唔到女仔? 打工仔︰幾時到我結婚

延伸閱讀:【職涯規劃】30歲最後悔做過邊10件事?「拍拖太少」都上榜?

 

⏩⏩  大把兼職、散工、前線好工等緊你!即用「搵工快」WhatsApp 搵工  ⏪⏪

搵好工,快啲下載CTgoodjobs手機APP啦!

Look out for further updates on our Facebook fan page!