comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


【想辭職?】網民大數離職原因 昏君最易逼走員工




香港出名工時長,每日返工見同事嘅時間,比見伴侶、家人仲要多,所以如果要喺一個唔愉快的環境工作,同唔咬弦的人日對夜對,認真攞命!有網民在討論區開帖投選辭職原因,選項包括:跳槽、其他公司高薪挖角、做得唔開心、同老闆和同事不和、轉行、進修等。



結果大部分人認為「做得唔開心」就應辭職,其次是「同老闆和同事不和」。

上司偏心 管理不善成致命傷
點先算做得唔開心?有網民認為「份工壓力大」、「同事難配合」都會令自己在工作中不快樂。亦有網民大呻:「做得再好都無人讚,日日拼命為公司,結果畀人喺背後放暗箭。」

相比與同事的相處,上司管理不善卻令人最難接受:「同事喜歡玩小動作可以無視,但上司處事不公、不合理,會令員工士氣低落!」更指:「而且上司又偏心,只係喜歡擦鞋兼埋堆嘅同事,反而實幹嘅同事人工最低,做錯少少仲要被人用粗口鬧,好委屈。」有網民亦身同感受:「老闆咩都唔識,靠員工看舖,跑唔夠數只係識鬧,努力又睇唔到!」

不過,綜合各位網民的意見,其實打工仔走到辭職一步,往往原因不只一個。有網民認為:「辭職與公司待遇、老闆的對待、與同事相處等有關,當你做錯事,老闆只係鬧而唔會提點時,令你完全冇進步。到有一日發現再留喺公司已經無意思,就會萌生辭職念頭。」

人一輩子工作時間以數十年計,在工作上得到滿足感的確十分重要。面對行業競爭,老闆如何留才亦是一門艱深的學問。

上載日期:2017年8月
讚好 CTgoodjobs 專頁,獲取更多求職資訊!

Free Subscription

Email