comScoreTag
FancyBox
FancyBox

Self-enhancement

【愁過阿愁】7招踢走負能量


文:子都



negative
人總需要勇敢生存,我還是重新認命。

望住個日曆,距離復活節仲有大半個月,新年積落啲野仍未做晒,至於 Holiday (mood)更加喺心入面從來無離開過,奈何打工仔嘅肉身困喺Office,真係好想大嗌救命!當然啦,想還想,點敢真係嗌丫,唔驚有人報警咩。頂多喺自己位咦咦哦哦發放負能量咋……

之但係,人總需要勇敢生存,我還是重新認命。以下7招可能幫到你回魂踢走負能量,注意,係「可能」咋,唔保證得架,小生自己都未必得呀。

1/ 深呼吸
深呼吸可以為細胞提供更多氧氣,從而令人心跳減慢、血壓降低,緩解焦慮情緒。

2/ 心理或口頭暗示
人係情感動物,當一句說話重複出現,我地會喺潛意識中將呢句說話同當時嘅情感連結。所以當你全身充斥負能量時,同自己講聲「Everything will be fine」、「加油」,就可以連結到呢啲語句背後嘅正能量,原理同NLP心錨差唔多。

3/ 聽音樂
輕快嘅音樂能令人更有動力,而柔和嘅音樂能令人心境平靜。搭車返工或午飯時間聽下,包你無咁躁底。

4/ 做運動
運動時,大腦會釋放安多酚(Endorphin),而安多酚能令人產生愉快感覺,減輕抑鬱情緒。而且運動可以促進新陳代謝,令身體更快排走引致壓力嘅荷爾蒙,徹底擊退負能量。

5/ 逃離
可憐嘅打工仔逃離唔到返工嘅命運,亦逃離唔到老細嘅魔掌,不過就算你困喺Office被負能量包圍,仍然可以企起身伸展下手腳,或者離開位去Toilet洗個面、去Pantry斟杯水。呢啲小小嘅「逃離」,可以帶你嘅肉身暫時離開壓抑嘅氛圍,分散注意力,重新調整心情。

6/ 幻想下
常言道「留得住個人,留唔住個心」,即使你肉身被囚禁,但你嘅思想係自由架!當打工仔喺公司覺得好難頂嘅時候,不妨發下白日夢,FF下自己做緊最鍾意做嘅野,打波睇戲唱K買衫乜都好,或者索性喺腦中計劃下一個假期,應該即時精神爽利。

7/ 連繫正能量者
能量係流動嘅,如果你負能量爆錶而隔離位同事正能量滿分,一於同佢吹下水,等佢無咁亢奮之餘,你又可以一洗頹氣,維持辦公室能量分布嘅平衡,達致Win Win雙贏。

延伸閱讀︰
-寫英文CV要識揀字體 最佳字體是...

-【港豬傾人工】5大「蝕章」位

-職場如情場

-打工仔應對Appraisal有攻略

-【老細忽然變臉】10大原因

上載日期:2016年3月9日


讚好 CTgoodjobs 專頁,獲取更多求職資訊!

Free Subscription

Email