comScoreTag
FancyBox
FancyBox

Workplace Gossip

成為人地辭職原因之前


董德少



employment cycle
在變得更優勢成熟之前,絕不輕易放過磨練自己的機會。

同事K年尾流流辭職(來龍去脈,按此),對公司人力資源管理構成一定衝擊。不過作為管理層,對於一個半個同事的流失,無論如何都不能擺出一副「你走咗咁公司點算」的弱者姿態。況且,「沒有誰沒有誰不行」正是一所成熟企業的管理原則。

「循例都要問下,」我作狀清清喉嚨︰「公司想了解一下你辭職嘅原因。」

K自是訓練有素,對於這種官方提問,一律以官腔回應︰「我想出去外面尋求其他方面嘅新嘗試。」

唔該晒,我心暗忖。如果他乘機投訴管理層管理糟糕、苟且徇私、領導無方……我就真係多得佢唔少。「多謝合作,今次面談到此為止,祝閣下前程錦繡。」我們例牌握一握手,散會。

真話,只能在非官方聚會上「呢度講呢度散」。「搵工搵成點?」我閒話家常式展開對話。對於視搵工為興趣的K,相信這樣問,他較有發揮空間。

「都係咁上下,見過幾份,等消息。」K望望我,再說︰「德少,其實我都有啲無謂嘢想問下你。不過你唔想講就當我無問過啦。」

戲肉來了,通常愈是預設對方「唔想講」的「無謂嘢」,就愈挖得中人性的弱點。「請講。」但願掩飾得住我的好奇心黑洞。

「其實……你點頂得住架?班人唔係人咁品。」K問。

嘩!「閃」者無懼。「其實係心態同身份問題,有邊度嘅高層係好應付架呢?小朋友。你到我呢個年紀,跟多10個8個老細,就會明白。」

我覺得可惜,如果K決定辭職前放膽問我相同的問題,我或者可以留住他三五七年亦說不定……「你搵新工,頭幾個月一定係雄心勃勃,以為自己終於求到支好籤;不過再多幾個月,之前令你辭職嘅因素又再浮現,直至……」本來不好意思說下去,但講一半不講一半是很無品的,「直至你變成人地辭職嘅原因。」

小弟亦不是等領貞節牌坊,只是在變得更優秀成熟之前,絕不輕易放過磨練自己的機會;並不忘堅守底線,絕不放棄做一個善良的人。

延伸閱讀︰
- 好人不是這樣做的

- 當搵工變成興趣

- 講錯一句,被唱一世

- 辦公室,有沒有朋友?

- 客戶不比茶水阿姐尊貴

上載日期︰2014年1月13日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email