【打工仔悲歌】其實返工有乜意義?網民:懷念玩gameboy日子

返工最忌返到頹廢又無幹勁,打工仔一旦步入「懷疑人生」階段,很容易就會每日返工等放工,日復一日,毫無上進心。工作幾年,開始反思「返工有乜意義」實屬人之常情。有網民於討論區發帖文,大呻返工返到「生活好枯燥」......
延伸閲讀:【網民職場Talk】男同事問咩叫frontline 網民:都唔知返工嚟做乜

提早的中年危機

事主指出,真的想不到才20出頭,就提早出現「中年危機」:「本身份工好穩定,人工唔錯,儲緊錢準備3年內買樓。但就係因為咁,好似已經冇咩野要去鬥,過下日晨就得」。打工幾年,開始發現自己對原本的愛好早已失去興趣:「以前都會打吓機,但人大咗,唔知係啲遊戲冇咁吸引,定係已經真係唔係好鍾意玩」。除了打機,工作以外的其他事情亦失色不少:「居然可以日日睇吓YouTube,Hea吓就一日。成日我同自己講,揾野學吓...但就無動力,硬係覺得學咗練咗好似都無咩分別」。

找不到人生追求的目標
他續指,過往曾想過報讀碩士課程:「但又好似讀完兩年之後又會變返依家咁」。無心進修,又有感目標模糊:「發現除咗買樓、建立家庭外,真係無咩想追求...啲人會買吓衫、食吓好嘢,玩吓啲高價少少嘅興趣,例如音響、攝影,我統統都無興趣,好處係真係使好少錢。但有時又真係諗,咁樣嘅生活有咩意義?」。對於生活未能與其他人一樣多姿多采,事主嘆謂:「以前都唔會成日諗以前,但依家成日好想返返去以前,享受吓中學時光...享受吓一齊落街玩吓gameboy嘅日子,依家已經無得再嚟...」。

延伸閲讀:【時事熱話】網民大玩「十大領薪水Challenge」 HR曾做過幾多樣?

人生不只返工

帖文引起不少網民的共鳴,有人直指:「日日生存唔知為乜」、「懷念大學嘅日子,無憂無慮」。有人就指出,其實人生不只工作,有其他更重要的事情,勸他「揾啲興趣啦」。亦有人分享返工雖然苦悶,但可寄望工作過後的休息機會:「我人生唯一娛樂就係去旅行」。有人就鼓勵事主應多學幾項技能,就不至覺得空虛,更可解決青年危機:「學吓如何移民,學吓如何增加被動收入。學識就可以財務自由」。

即睇免費課程,增值自己,坐言起行

Look out for further updates on our Facebook fan page!

Looking for jobs?