comScoreTag
FancyBox
FancyBox

Workplace Gossip

打工仔的AB餐


董德少



a or b
不如我畀你揀——A餐,而家返出去做嘢,陣間6點sharp閃人;B餐,盡情玩玩玩,今晚自己喺度捱飯盒趕埋個Proposal。

「德少,你揀A餐定B餐?」對於A餐與B餐的抉擇,同事們樂此不疲,興高采烈地敲我門問我。見他們這麼有誠意,我就姑且放下手上的工作,交足戲答︰「C餐烘底,咖啡走甜,唔該。」

「咩呀?」同事一臉掃興,彷彿是我阻住地球轉。「啲假設性問題,唔好預我。」不是不知道最近炒到火紅的熱話,做醫神還是匆匆,揀$5億身家加個酷型,還是$50萬加個K;我不過是存心煞風景,繼續道︰「不如我畀你揀——A餐,而家返出去做嘢,陣間6點sharp閃人;B餐,盡情玩玩玩,今晚自己喺度捱飯盒趕埋個Proposal。」

人地家事,幾錢身家豪、邊個老婆好,幾時輪到外人去「揀」?而且以身家作為人生、身份以及愛情的注碼,令我毛管直豎心寒起來。與其癡人說夢,以為係咁倚揀下就真的可以變做陳奕迅或娶謝安琪,倒不如做好自己本分。

兩種人生,各有各的甜酸苦辣;兩個老婆,自然亦有辣有唔辣。可悲的不是誰娶了誰,或誰嫁著誰,而是萬劫不復的「隔離飯香」,人心不足;而更可悲的是,一班群眾無端墮入人生評論家的角色,以談論他人生活為樂,完全無視自己的人生與自由意志。

我喜歡做自己,深愛我所愛的人。或者有人說我的她惡死、固執、野蠻、偶爾任性,但你理得我,我就是喜歡惡死、固執、野蠻、偶爾任性的她,而不是貌似溫柔脆弱的某某。忠於自己,隨時要保持「橫眉冷對千夫指」的骨氣與量度。

人夾人緣,浪漫的說法是「良緣天注定」,毒舌一點就是「前世欠咗佢」。有時候,對住一班同事,亦有很深的感觸,尤其是出現分歧、各持己見的時候。每個人都各有各的立場與堅持,久不久「相處不來」幾乎無可避免。不過說到底,同事是一起工作的夥伴,不是「過人世」的,互相都沒必要全盤接受對方的缺點(是否值得慶幸?),只要做起事來,各施其職、各展所長、各得其所、各取所需就是了。

當然,我非常享受一群三尖八角的人在困獸鬥內融洽共處的時光︰「大家叫下午茶丫,我請。」聽到外面ABCDEFG便安慰滿足,就是聽說過有老闆請食飯,換來的反應是︰「不如我畀番飯錢你,你自己去食。」

延伸閱讀︰
- 成為人地辭職原因之前

- 好人不是這樣做的

- 當搵工變成興趣

- 講錯一句,被唱一世

- 辦公室,有沒有朋友?

上載日期︰2014年1月20日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email