【打工仔辛酸】老細上司齊齊食煙 除咗舉報仲可以點？

延伸閱讀：【網民職場Talk】幻想被同事用櫈重撞？網友︰你以為佢揸法拉利呀？

同事煙癮甚深 已成慣犯
事主埋怨某位年紀稍大的同事已是辦公室吸煙慣犯：「當面講過叫佢唔好食，又試過call控煙辦。而成office最大粒嗰個有時都會咁做」。由於與老闆熟絡，故經常「襯無乜人，夜晚或星期六日食，啲煙入咗梳化、冷氣糟，真係好驚自己肺病」。

除了在公司裡神憎鬼厭，甚至試過有高層「都好憎呢個行為，都公開講過唔好再係咁」。雖然香港早已在2007年立法，禁止在工作間吸煙，故雖然犯法的是他們，卻要受害人吞聲忍氣。

狠心舉報
有網民建議事主盡早舉報：「私底下e-mail你Office之外，仲有更大粒嘅人，咪得囉」。有人就認為可以進行網上公審：「影佢放上嚟（討論區）」。不過，大部分網民就認為多一事不如少一事，與其「搞大件事」，不如先自保：「你都識講，最大粒嗰個都係咁啦，玩寸個party，小心被人針對」、「開大冷氣、風扇」。有人更分享被迫吸二手煙的經驗，表示以前曾經遇到自私的老闆，時常在公司吸煙，最後添置一部空氣清新機了事。

延伸閱讀：【網民職場Talk】曾Send錯擦鞋WhatsApp 無恥同事獲上司賞識

工作間不准吸煙
根據《吸煙(公眾衞生)條例》(第371章)規定，由2007年1月1日起，法定禁煙區範圍已擴大至所有食肆處所的室內地方、室內工作間，公眾場所內的室內地方及部份戶外地方，任何人不得於禁煙區內吸煙或者攜帶燃點著的香煙、雪茄或煙斗 。