comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


【打風餘波】返工、放工主要道路 你今日塞邊條?


文︰魏民菁


traffic_jam

首先問自己一個問題︰你每日用幾耐時間返工、放工?昨天8號波大家逼爆放工,今早紅雨又逼爆返工(新界人表示︰你不要再說了)。假設每天工作9小時(連食晏),如果交通時間來回花達3小時,已用掉12小時(留意番,係仲未計OT時間)。


如果從車程著手,你會發現根本無從入手。每日返工繁忙時段約為早上7時至9時半,在港鐵去年遞交於立法會的「港鐵列車的載客能力及載客率」文件中顯示,以2015年早上繁忙時段每小時最繁忙路段單向載客率計算,其中6條線路的載客量已經超過9成(去到現在2017年已經跌咗落路軌),其中西鐵線的(錦上路至荃灣西站)載客率更超負荷地達至104%,而荃灣線(尖沙咀至金鐘站)的載客率亦有102%的驚人數字。

加上新開通的西港島線及南港島線,繁忙時段搭港鐵,好似仲難過登天。下一步就諗,於是就搭「一程過」巴士?少年你太年輕了,新界人不分東面西面,要過海返工、放工,就最少經過兩條隧道,隧道對於打工仔而言,就是一場惡夢。香港有不少主要道路 / 隧道,更是每日交通消息必出現的熱門塞車點︰

1/ 屯門公路
連接屯門及荃灣的屯門公路,是新界西人(包括屯門、天水圍等地)出省的主要道路。實情是新界西車多過牛,只要在討論區每次出現的「究竟屯門公路有無一日係唔塞車???」帖文,都會得到不少共鳴。早前政府更公布屯門多幅地皮未來將用作興建公屋,人多車多,想出市區大家還是要繼續爭路。

2/ 大埔公路
睇睇新界東情況,大埔人、北區人應該都明白。早上繁忙時間要過海,首先要過
吐露港公路,大老山隧道公路,大埔公路至少3關。同樣道理,只要一有交通意外,某些線路很大機會封閉。最後,塞到2047都還在公路上。

3/ 彌敦道
「街邊太多人與車」大家都識唱,多甚麼車會搞到塞車呢?這條連接長沙灣道、大埔道及梳士巴利道,連接N個地鐵站的3.6公里道路,有幾繁忙可想而知。
的士、私家車,最多還是巴士,香港有近過百條巴士線經彌敦道(當中包括通宵巴士路線),假設同時有三分二的巴士於繁忙時段在彌敦道旺角地帶埋站,大家就會一齊塞。
另外,年初運輸署向各區議會提交新一年全港巴士路線重組方案,其中建議將觀光巴士路線每日黃昏起,加插行經尖沙咀梳士巴利道至旺角亞皆老街一段彌敦道,讓旅客欣賞到彌敦道夜景。OK,相信一眾打工仔將會舉腳反對。

4/ 觀塘道
連接鯉魚門道、彩虹交匯處的龍翔道、太子道東及清水灣道,經過佐敦谷、九龍灣、牛頭角等地。一聽就知又是一撞即塞的大路,還記得早兩個月觀塘道東行近啟業邨的爆水管事件嗎?最後運輸署要封閉觀塘道部份行車線,由於事件發生時臨近放工時間,當時傍晚車龍甚至去到荔枝角,不少打工仔應該都在車上納喊中。

5/ A隧、B 隧,仲有C隧
連接新界東西的城門隧道、連接新界及九龍的大老山隧道及獅子山隧道、連接香港島至九龍的海底隧道都是每天必塞位,過海返工的新界人更要塞完隧道再塞過另一條隧道。至於港島方面,香港仔隧道也不遑多讓,南區居民每天都飽受塞車之苦。南港島線通車後幫到幾多?南港島綫每班列車只有3卡車,終點站金鐘站於繁忙時間日日迫爆,看來出市區還是有難度。

結果,同事A話︰「我返工放工都搭地鐵!」咁你有無試過在金鐘等N班車都上唔到,又或者在九龍塘就跌落月台?(如果只係搭一兩個站,咁無嘢了……)

同事B︰「I go to work on foot.」咁無咩事,小編都係返埋位做嘢先。

但塞車呢個問題,都係無解決過。

上載日期︰2017年6月13日

讚好 CTgoodjobs 專頁,獲取更多求職資訊!

Free Subscription

Email