comScoreTag
FancyBox
FancyBox

Workplace Gossip

「扮辭職」的最後通牒


董德少



resign
假辭職變真劈炮......
「明白。」「都係咁啦。」「無咩特別。」「好。」「知道。」一聽就聽得出,G分明hea應——就是那位一度借遞信扮辭職,意圖搲升職加人工的G(詳情按此)。假辭職變真劈炮,我循例又要主持「行貨」Exit Interview。

對於G的hea應,我心裡有數。一個並非去意已決的人,辭職光速獲接納,心中納悶,篤定被公司間接迫走,亦是可以理解的。(利申︰小弟並無認同的意思。)為了讓他少受點委屈,心裡好過些,在Exit Interview裡,我盡量爽手,但求規矩做足,公式化了咗件事close file。

拋書包時間︰從事管理的,其中一項「殺手鐧」,是讓員工及同事感覺良好舒服,即使明知肉隨砧板上,亦不會有被針對、被插、被迫害的hard feeling。這除了美其名「為同事好」,其實亦是為公司鋪條後路,並提升企業形象,因此一定不會做得太難睇。

鬼唔知阿媽係女人,坊間一樣有大批兩性愛情專家「提醒」,分手要分得大方得體,以不傷害任何一方為依歸。叫「提醒」已算很謙虛克制了,有些還說是「建議」、「教路」甚麼甚麼的,高高在上以一派救世主的姿勢登場。餓要食飯,凍要著衫這些本能常識,也要「教路」嗎?

還是實戰來得較有建設性。想當年,小弟還是新丁的時候,面對這些「生離」場面,甚至比辭職或「被辭職」的一方更恨不得搵窿瓹。當時阿姐明嘲暗教︰「都唔知你驚咩!」我都唔知驚咩,不過就係好驚囉。我答。那時候認定她說風涼話,一味硬塞豬頭骨給我啃,後來才漸漸明白,大家地位平等,沒有誰要賣誰的賬,雙方都真的無嘢好驚。

趁後生,戀不妨失多幾次,才能叫錯的人借過,找到遇上對的人的路;正如工不怕in多幾份、職亦可酌量辭下,從中所學到的待人接物技巧,並非單純爆數冧客可以媲美。

「東家唔打打西家,呢啲好平常。我相信,憑你咁多年豐富經驗,去邊度都會有好發展。不過,最緊要係認清目標,並用到位嘅方法,千祈唔好『再』心裡想要A,但走去行攞B嘅路。」這個「再」字,但願G聽得明白。

延伸閱讀︰
- 【清算】5大劈炮無品人辦

- 上位格?還是攝位賊?

- 辭職信,舉手不回

- 是非,是這樣講的

- 給80後、90後的公道話

上載日期︰2014年7月21日
讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email