comScoreTag

批年輕人做政府工無大志 網民:搞生意先有出色

批年輕人做政府工無大志 網民:搞生意先有出色

政府工向來被視為鐵飯碗,皆因:「人工高,福利好!」但近日有網民唱反調,在討論區開帖批評年輕人打政府工係無大志!該網民認為年輕人趁後生應去闖一番事業;不過,有網民反駁指政府工收入穩定,三餐無憂,「大把人爭住做」!


發帖的網民認為不少較低級的政府工根本是「養懶人」:「一啲低級嘅政府工,例如:Clerk Assistant, Admin Assistant, Driver等等,人工低之餘又無咩晉升機會;而且平時只係做下打字、影印、寄信咁。如果咁後生就揀呢啲工,你啲朋友都會睇你唔起,話你無大志!」

政府VS私人機構 薪酬福利大比併
網民對年輕人應否做政府工的話題爭持不下,並進行政府與私人機構的薪金、福利大比併。支持政府工的網民指:「助理文書主任(ACO),只需中五程度,月薪可達28k,如果夫妻都係公務員,有穩定月薪之餘仲有公屋同其他福利,生活質素可以話好過好多中產人士!」亦有網民認同指:「返工朝九晚六,每週五天工作,紅日放假,年假十幾不至四十日,病假仲有全薪或者半薪,而且每年加薪!」

然而,在另一邊廂有網民直指公務員福利已大不如前:升到頂薪點就無得每年加人工,之後就跟政府大圍加一次,而且近幾年政府加薪都係加得2-3%。如果以一個入職一萬二嘅CA黎計,都只係加大約$1100。相比私人公司,年年加薪仲有雙糧兼花紅,更有升職機會,呢啲都係公務員冇!」更有網民認為:「打任何工都冇出息,要搞生意先有!」

時移世易,政府工對打工仔的吸引力大不如前,年輕人大多以打工心態工作,未必會視政府工為終身職業,當遇到更好待遇的工作就會離職。不過,正所謂行行出狀元,只要有能力,即使是受聘於政府還是私人機構,總會獲得賞識。


Look out for further updates on our Facebook fan page!

Related Articles

More