【抗疫WFH】打工仔篇:無法WFH的行業 外賣員:冇錢冇得生存 比中招更可怕

新冠肺炎確診數字連日破百,不少打工仔都被安排在家工作﹙WFH,Work From Home﹚,然而,有好些前線工作者卻未能安於家中。生活迫人,為了生活,有時真的非常無奈。
外賣速遞員是在疫情下興起的行業,外賣單多了,聘請的速遞員數字都有所上升。80後的外賣速遞員德哥﹙化名﹚受訪專訪,表示從2月開始便當上了全職外賣速遞員,並由步兵﹙徒步送運﹚、用單車,到現在用電單車作外送服務,現時他服務的區域主要為九龍塘區。

【新冠肺炎懶人包】 最新Update政府措施新冠肺炎 VS傷風感冒邊區返工最危險?在家工作病毒檢測37個高風險活動口罩令袁國勇點樣講?隔離營安排禁堂食抗疫WFH

外賣速遞員:咁多人失業,有工返梗係照返!
當提到在家工作的話題,德哥笑道:「外賣員冇可能WFH啦!但喺疫情最嚴峻嗰個星期,我都冇返工,不過只係避得一時,冇錢就冇飯食,連生存都生存唔到,比起個病仲可怕呀!加上而家咁多人失業,既然有得開工,又有單接,有工返梗係照返!」他指每天平均約送10至20張單,日薪約$1000。

在防疫措施方面,德哥表示公司有為他們準備口罩,「可以登記,之後會寄去我哋屋企,每包大約十個左右;而因為我哋送外賣有機會要送去有確診個案的大廈,遇有呢啲情況,公司批準我哋唔使送到去客人屋企門口,可能叫佢落嚟拎。」他亦坦言,如果可以,當然盡量想避開這些有確診個案的地方,但一天接如此多單,很難每次都先核對地址才決定送運與否,所以唯有多做消毒。

延伸閱讀:【抗疫WFH】打工仔篇:無法WFH的行業 酒店業員工:怕死都要返工㗎啦!

有屋苑大堂放外賣枱
德哥指,有些屋苑對外送的措施做得不錯,「試過送去一個屋苑,佢大堂已經有一張放外賣嘅枱,然後會叫速遞員打上去單位,放低喺枱度就走得,等客人落嚟拎就可以了。咁樣可以減少大家面對面的接觸,其實幾好!」

為了減輕家人對自己的擔心,德哥在個人防疫方面都比早階段謹慎,「我揸電單車有戴手套,唔會直接接觸食物同大廈物品,同埋我會維持只用右手按升降機,左手就死都唔會掂任何嘢,只係拎食物;同埋我會戴埋頭盔上去送外賣,雖然大家都唔會講太多嘢,但都盡量阻擋飛沫。」

放工回家後,他會將全身的衣服、手套和頭盔都進行徹底的消毒,然後再沖涼才在家中如常活動,希望可以令家人安心。

延伸閱讀:【抗疫WFH】打工仔篇:無法WFH的行業 維修員:擔心可以請假,唔通請半年咩?
延伸閱讀:【抗疫WFH】打工仔篇:在家工作 VS 辦公室工作 你會點揀?
延伸閱讀:【抗疫WFH】首日全面禁堂食 打工仔呻食飯環境惡劣又怕遭影相批鬥


Look out for further updates on our Facebook fan page!