提高搵工效率 求職期間5不做

提高搵工效率 求職期間5不做
CTgoodjobs 編輯部
搵工求職不外乎Send CV、面試、Send CV、面試……不停循環。要「搵得其法」需分秒必爭,速戰速決。有HR反映不少求職者將求職信及CV「係又Send,唔係又Send」,浪費大家時間。所以,與其花時間漁翁撒網式亂發CV,倒不如集中火力提高求職效率,想極速搵份好工,記得留意求職期間5不做︰

1. 「未夠資格,唔高攀」
不少招聘廣告都會標明職位要求的學歷和工作經驗等要求,求職者宜量力而為,只欠1年至2年工作經驗者,當然不妨一試;然而,若與要求差距太大,就「勉強無幸福」,腳踏實地搵份符合資格的工作吧。

2.「唔想做,唔申請」
想做甚麼工,不想做甚麼工,求職者自己心知肚明。為搵而搵,即使面試成功,順利入職,一樣很快要再跳槽。跳來跳去反而「寫花」CV,對仕途更不利。

3. 「CV唔中Point,唔send」

經常有HR投訴求職者「一份CV走天涯」,毫無誠意可言。求職者要顯示誠意其實不難,為每間公司、職位度身訂造一份獨一無二的CV和求職信,尤其是Job Ref.編號要準確,而關鍵字亦要中Point。


4.「死牛一面頸,唔做」
有部分求職者異常「固執」,例如搵工只會揭報紙、會透過中介公司、只會透過勞工處或社工轉介……雖然上述方法都是正確途徑,但就大大限制了求職者的可能性。不管做人還是搵工,都要識「轉彎」,例如同時上多個求職網、瀏覽個別公司網頁、找朋友介紹……別錯過任何一份心儀好工。

5.「呆等,唔得」

寄了CV、又完成面試就等於可以坐等消息?休息回氣可以,但千萬不要以為就此可以功成身退。求職者如果無十足把握(不過太有自信都是大忌),請務必繼續努力,直至找到心儀工作。

【延伸閱讀】:CV無回音 8大元兇

Look out for further updates on our Facebook fan page!

Related Articles

More