comScoreTag
FancyBox
FancyBox

人際八卦

插手去玩辦公室政治之前


董德少



workplace politics
現實也許由各色各樣的謎團組成,而在形形色色的荒謬裡,一味往迷失裡鑽,只會愈鑽愈萬劫不復。

「激死我喇!激死我喇!德少,真係激死我喇!」同事Q眉頭皺成一糰糟、憋著嘴向我衝來。我只覺得好笑。就是這樣了,當自己不當作一回事,就能夠百毒不侵,人家怎樣都影響不到我們。

Q這個人,其實也算正常善良,就是EQ特別低。「激死我喇德少,我今次真係好憤怒。」似乎,不惹到我也生氣,他絕不放棄。

「你有邊次唔係好憤怒架呢?」我笑問。

Q突然清醒,終於停止沒有意義的發洩︰「我提議W改好啲個Proposal先交出去,佢偏唔聽,一下就send咗出去。」

「哦。」我hea應。對於W無視Q這個舉動,我本人認為很「理所當然」,W對於任何人的說話都左耳入右耳出。

Q像野獸一般怒吼。「得得得,你嬲咁又點?佢係咁架喎,佢本來就係咁樣。你嬲咩啫,你唔係佢上司,又唔係佢父母,亦稱唔上咩朋友,極其量只不過係認識嘅陌生人。」我放下手上由W寄出來的鬼五馬六的Proposal。

Q瞄了瞄說︰「你話丫,係咪好荒謬!?」冥頑不靈。

「完全無感覺。」我抬頭︰「如果我話畀你知,係佢直屬上司approve佢send出嚟嘅,你會唔會認為合理啲?」

「喺荒謬裡面,荒謬先係絕對嘅真實。咁或者佢上司有佢嘅打算。真架?」W的上司到底打甚麼主意不得而知,反正不是立甚麼好心腸。更進一步的是,人家立甚麼心腸也不關我們的事啊。作為打工仔,與其花時間鑽研甚麼辦公室政治,倒不如做好手上的工作。

Q的EQ低到這個地步,在他插手去玩辦公室政治之前,已被辦公室政治玩死了。幸而他無去玩的打算,不然他大可以乘機踩一腳,對於W上司文盲一般的approval大插特插。他並沒有這樣做,正是他可貴可愛的地方。

「你上次個Proposal做得幾好丫,邊個做到嘢,大家都有眼見嘅。」我不會將真相告訴Q。現實也許由各色各樣的謎團組成,而在形形色色的荒謬裡,一味往迷失裡鑽,只會愈鑽愈萬劫不復。走出來,與荒謬平行共處,方見出路。

延伸閱讀︰
- 打工仔的AB餐

- 成為人地辭職原因之前

- 好人不是這樣做的

- 當搵工變成興趣

- 講錯一句,被唱一世

上載日期︰2014年1月27日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email