comScoreTag
FancyBox
FancyBox

Workplace Gossip

揭5大老手都犯的Intern層次錯誤


CTgoodjobs編輯部



CV, 搵工, 求職, 招聘, 實習, Intern, internship

internshio memo
Intern仔姑且當他們「細路仔唔識世界」,最大鑊是……連職場「Old Pat Pat」都出事。

不少僱主都會藉著提供實習機會,物色順眼具潛質的明日之星。有調查發現,僱主在招聘畢業生時,近8成人最看重「工作或實習經驗」,可見實習毋疑是一份「生勾勾」的求職CV。

CTgoodjobs人力資源專頁CTHR.hk公布的《CTHR 2014年畢業生招聘及薪酬調查》顯示,在考慮聘用應屆大學畢業生時,僱主最重視「工作或實習經驗」(79%);而「缺乏工作經驗」,則為最大的致命傷(46%)。CTgoodjobs.hk執行總監陳麗珠分析指︰「僱主重視畢業生的工作及實習經驗,不但藉此評估求職者的工作能力及專業知識,同時亦能預視他們的解難能力、主動性、工作動機和處事態度等職場軟技能。」(參閱完整報告,按此

CTgoodjobs編輯部今期特意地氈式搜挖出5大Intern低級錯誤,求職者、打工仔要「識做」。

5大「Old Pat Pat」都會犯的Intern低級錯誤:
1/ 衰在唔知想點
初出茅廬雞手鴨腳是「預咗架喇」,HR反映︰「唔識無所謂,可以教。不過好多新仔無心向學,成日唔知想點。」他們不但沒有明確的事業目標,就連為甚麼要去實習,返工要做甚麼都搞不清楚。

唔該!返intern為的是賺經驗,為往後事業鋪路,而非「阿媽話要返」、「啲friends做我咪又做囉」。做人搵工都要有focus有目標,目光放遠點,切忌一味跟風或為做而做。

2/ 衰在Hea著
青春的Intern果真讓沉實的辦公室「生色不少」,既有吊帶背心踢拖沙灘look,亦不乏蕾絲花邊女神裝,最「養眼」的是「條裙短到無著褲咁囉」,還一派「你班阿叔阿姨妒忌啫」的態度。

唔該!先敬羅衣後敬人,別以為返Intern就可以玩玩下hea著。建議入職前向HR「索料」,了解清楚公司的衣著文化,以免捉錯用神。

3/ 衰在自以為是
部分90後奉行「大雞唔食細米」主義,往往看輕「濕碎嘢」的意義。Intern不屑影印、碎紙、買外賣等瑣碎工作,不明白老闆往往見微知著。HR暗窒:「小小嘢都做唔掂,咪話做大事喇!」

唔該!態度決定命運。人在做,天在看,老闆亦全都看在眼內。

4/ 衰在太「毒」
返Intern是打通人脈的理想捷徑之一,然而HR慨嘆現時職場充斥太多鍵盤戰士︰「現實生活中都唔識同人溝通,上網幾叻都假。」

唔該!職場講求團隊合作,請先走出閣下的「鵪鶉zone」;多主動與同事溝通,及早認清種種職場「真相」與「潛規則」,就會發現原來有很多比打機重要的事。

5/ 衰在面皮薄
最典型的情況是,Intern BB被人話兩句就扁嘴眼濕濕,除了急call媽咪來呵番和背後暗藐之外,職場上任誰都愛莫能助。

唔該!強人是這樣煉成的,成功的人內心都相當強大。不是要面皮厚到不知廉恥、指鹿為馬,而是要學會接受善意批評,同時承受得起惡意挖苦中傷,並坦然面對。

Intern仔姑且當他們「細路仔唔識世界」,最大鑊是……連職場「Old Pat Pat」都出事。總之,大家好自為之!

延伸閱讀︰
- 【求職信】10大趕客「伏」筆

- 【寫CV以外】5招獵頭搵上門

- 【慎中伏】求職搵工5 大「頭盔」

- 【哈佛式搵工】筍工5招到手

- 【呢d咪搞】5大省時搵工法

上載日期︰2014年6月26日
讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email