comScoreTag
FancyBox
FancyBox

Job Interview

【搵工偏方】求職面試6大「蠱惑」招


CTgoodjobs編輯部



搵工, 面試, 求職, 見工, recruitment, HR, interview

天時、地利、人和呢家野,某程度上可以自製。

要見得成份工,經驗、學歷好重要……係人都知啦!無錯,而求職者有所不知的是,天時、地利、人和呢家野,某程度上可以自製。CTgoodjobs編輯部今期特意搜羅各大搵工「偏方」,精煉出以下6大中標關鍵,信不信由你。

1/ 星期二10:30am見工最佳
據美國求職網站Glassdoor調查報告顯示,星期二上午10時半是見工面試的最佳時機。解釋指,一般人在周二的生產力最高,而且10點30分時段可謂「唔遲唔早啱啱好」,不太趕急之餘,面試官又有充足的時間作準備。

咪話唔提你:為免面試時間被縮減或押後,建議求職者盡量避免選擇臨放工或午飯前後等時段面試。至於CV及求職信,最好星期一寄到,詳情按此

2/ 趁好天先嚟面試
多倫多大學一項針對該校醫學院的收生面試研究發現,雨天面試者的表現較晴天面試者差,平均分數略低1%。

咪話唔提你:面試前應密切留意天氣預告,若真的「天氣不似預期」,就要擬訂後備路線及預早出門,務求將惡劣天氣所帶來的負面影響減至最低。

3/ 早到10分鐘就夠
面試早到是常識,但過早——即1小時或以上,有可能表現得過分心急或緊張,甚至為面試官造成壓力,誤墮扣分陷阱,硬食「不善管理時間」的負評。一般面試早到約10分鐘至15分鐘已足夠。

咪話唔提你:若求職者參與小組面試,不妨再提早10分鐘(即約20分鐘前到達)。過於早到者,建議在附近找個舒適的地方稍作休息,好好整理思緒,為面試做好100%生理及心理準備。

4/ 咪hea坐、偷食、玩手機!
有資深人力資源顧問教路,求職者等待面試時應時刻保持警覺,切忌hea坐、偷食、玩手機等;更要騰空一隻手做準備,即使面試官突然從後殺出,亦能及時反應,與對方握手打招呼。

咪話唔提你:等待中不妨爭取時間,趁機重溫CV中的個人賣點、應徵職位的招聘廣告、公司背景資料等。更多關於《見工秘技︰求職面試等待中DOs & DON'Ts》,按此

5/ 著藍色衫
美國求職網站CareerBuilder有調查發現,深藍色和黑色是搵工面試的最佳顏色;而橙色則是大忌。更多關於《搵工面試︰「色」誘HR 見工最忌橙人》,按此

咪話唔提你:黑、白、藍、灰等大路色調無走雞;唯判斷面試衣著要配搭得宜,重點視乎應徵工種及公司文化。

6/ 雙手萬勿插袋
肢體語言向來「無得呃」,不但呈現當事人心理狀態,更毫無保留地揭示潛藏的人格與動機。為表誠意及自信,求職者面試時雙手應平放於腳上,以自然端正為宜;切忌雙手插袋,令面試官懷疑有所隱瞞。

咪話唔提你:雙手往後撐,或發出古怪聲響,都是不耐煩的表現,可免則免。更多關於搵工必戒15小動作,按此

延伸閱讀︰
-【面試大贏家】7大搶手求職派系

-搵工面試妙答(8)︰你最唔鍾意乜?

-【面試甩底】恥笑5大爛藉口+補鑊3招

-【搵工面試】求職高手、低手對照表

-【見工】4招拆掂「唔Pro」面試官

上載日期︰2014年10月8日


讚好 CTgoodjobs 專頁,獲取更多求職資訊!

Free Subscription

Email