comScoreTag
FancyBox
FancyBox

CV 履歷

【搵工追夢】Dream Job是這樣煉成的


CTgoodjobs編輯部



搵工, 求職, 招聘, 筍工, 求職信, CV

追夢,既要有勇,亦要有謀,更要付諸實行。

無夢想的人同條鹹魚無分別;有夢想而不去追的人,其實也不過是條正在自殺的半死魚。追夢,很型。按文法,「追夢」是動詞一個;型位在於切切實實、落手落腳、勇往直前去追,而不是空口說白話。追夢,既要有勇,亦要有謀,更要付諸實行。

CTgoodjobs編輯部今期同各位求職者一齊追夢!(編輯仔都有夢想呢。)

Dream Job煉成5式
1/ 認清目標
工,何謂最筍、最理想?答案虛過煎堆,反正各花入各眼。求職者擇業前,先要認清目標,不妨自問一句「如果唔理錢,我想做咩工?」「我做咩最開心?——真正嘅快樂」。聆聽自己,認清自己的喜好和專長,是尋找Dream Job的第一步——最艱難,亦是最容易的一步。

2/ 培養多元興趣
興趣既可以培養,亦會隨著個人閱歷而有所變化。求職者不妨透過多元化的體驗,如進修學習、參加義工服務、興趣班、工作實習等,提升工作技能,並尋找人生意義與樂趣,以寓工作於娛樂為目標。

3/ 一往情深
Dream Job貴精不貴多,與其「唔理好醜」一味大包圍hea搵,倒不如重點出撃。建議求職者針對心水行業及潛質僱主做足功課,深入了解行業發展前景、薪酬趨勢、公司理念及使命等;同時了解箇中挑戰,發掘機遇。

4/ 搵人索料
識搵工,一定先搵朋友。不少筍工靠人傳人,friend搭friend介紹。求職者不要只管「宅」在家搵工,不妨多參與各類Gathering,爭取曝光率之餘,更可乘機向行家索料,賺取行內第一手消息,為自己製造有利先機。

5/ 儲定彈藥
尋找Dream Job簡直是打工仔的終身使命,作為全職獵人,求職者除了要砌靚份求職信和CV等基本嘢之外,更要識得善用空餘時間及各類平台,如透過社交網站、博客等,分享個人獨到見解及心得。儲定彈藥,只要時機一到,即能發光發亮。

延伸閱讀︰
-【信者失救】5大搵工傳聞

-【轉工跳槽】10大襟撈 vs 5大搵路職位

-【你有種】環球騎呢搵工6奇招

-【轉工轉行】5大笨蛋 火坑跳火坑

-【CV大翻新】改寫4式︰娘爆變順眼

上載日期︰2014年9月25日


讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email