comScoreTag
搵工靠Chok
賈心潔

好命, 搵工, interview, recruitment, 見工, 扮嘢, 演技, chok

chok luck for recruitment interview
命運就是這麼一回事——意氣風發的時候,可能有人存心拉你落馬;以為走投無路嗎,或者就有隻手拉你一把。

「我真係好憎搵工,擺明扮嘢嘅,明知人地知我扮都要扮落去;更高層次係,扮唔知人地扮唔知我扮。」朋友T搵工搵到傻兮兮,話總是說到一舊舊,不過嗒落有味。

「係咁架啦,你唔扮下嘢,人地點請得你落手,加多兩錢肉緊玩角色扮演囉。」我鼓勵。不得不承認,有時候演技才是王道。

「最頂唔順係嗰啲失驚無神講英文,無端端扮ABC上身。」

「你咪當Hon Pro(畢業論文)present咁囉……」我未講完,T插嘴︰「哈哈哈,Hon Pro呀?你知唔知,我由orientation嗰日開始就擔心到Year 3。點知要present嗰年,殺出個沙士,學都唔使返,救咗我一命,如果唔係業都畢唔到都似。但沙士絕對唔會係值得拎嚟得戚嘅事……」T執身彩,卻猶有餘悸。

「你真係一世死好命!人地《傾城之戀》香港淪陷成就咗白流蘇同范柳原嘅愛情;而沙士就成就咗你順利畢業,請姑娘容許小妹叫你一聲『白留堂』。」不無聊的不說,而我心裡暗忖,到底是好事還是壞事呢?

「咪亦成就咗今日慌亂嘅我囉。」T認真起來,彷彿敲破我的心聲。

「話唔定,你嘅好命又會發功,唔知點解有個interviewer完全唔使你講英文,兼非常buy你唔扮嘢做自己嘅character,請你返去篤眼篤鼻呢。」如果我是interviewer,可能真會請T的。人本來就有太多可取的特質,不是在一兩個幾十分鐘的面試中就能被賞識到的。「無所謂啦,呢份唔啱咪搵第二份。如果份工明明唔啱,夾硬俾你in成咗入去捱,到時咪又係做得唔開心。」

命運就是這麼一回事——意氣風發的時候,可能有人存心拉你落馬;以為走投無路嗎,或者就有隻手拉你一把。

延伸閱讀︰
- 背脊骨落散水請

- 見工面試演技派

- OT O到蝕入肉

- 廢柴基因的亮點

- 10件HR不會告訴求職者的事

上載日期︰2013年9月27日


Look out for further updates on our Facebook fan page!

Related Articles

More