【搵工面試】求職高手、低手對照表

【搵工面試】求職高手、低手對照表
CTgoodjobs 編輯部

搵工, 面試, 求職, 見工, recruitment, HR, interview, 福利, 上位, 晉升

即使是一樣的內容,只要有不一樣的問法,就有不一樣的結果。

要數在見工面試遇到的問題無限Loop之最,非「你有咩問題想問?」莫屬。建議求職者見工時問的問題,亦不外乎升職、加薪、福利、職責等。然而,即使是一樣的內容,只要有不一樣的問法,就有不一樣的結果。CTgoodjobs編輯部今期特別比對4大重點及8大經典問法,再由HR點評,高下立見。

1/ 實幹篇

重點︰工作、職責

低手

高手

求職者問法

「其實你地公司係做乜架?」

「公司下半年會有啲咩大Projects?呢個職位嘅同事可以點樣配合?」

HR點評

一聽就知Byebye得。「搵工面試前都唔做足功課,點敢奢望你會對公司有咩貢獻?」

跳出自我框框,以公司角度出發,了解僱主期望及相關職位角色,有效表現出求職者對工作的熱誠,及面對挑戰的準備。

2/ 著數篇

重點︰福利、假期

低手

高手

求職者問法

「你地一年有幾多日大假?每個月可以請幾多日病假?」

「公司會唔會提供培訓或者進修資助?」

HR點評

「工都未返,就問放假?」求職者返工為放假,而公司則一心請人做嘢,雙方明顯唔夾,「Next唔該。」

「福利」,並不只限於薪酬和假期,求職者不妨透過了解自我增值機會,向面試官展示出自己積極、上進的一面,贏取好感。

3/ 火坑測試篇

重點︰流失率

低手

高手

求職者問法

「點解會有呢個職位空缺嘅?上一手點解唔撈?」

「想請問一下,貴公司嘅流失率如何?同事平均年資大概幾長時間?」

HR點評

雖然求職者的發問動機屬正面積極,但聽起來卻讓人覺得「好八卦」,「唔係好識大體囉」。

以客觀、宏觀的角度出發,「聽落順耳討好得多」。

4/ 上位篇

重點︰前景、晉升機會

低手

高手

求職者問法

「我要做幾耐先有得升架?最高可以升到咩位?」

「請問貴公司會唔會提供內部晉升機會?你心目中有潛質嘅員工須具備點樣嘅條件?」

HR點評

升職加薪固然是一眾打工仔的共同願望,但「問得咁單刀直入,令人覺得你未學行先學走,都幾好高騖遠。」

「咁問就有禮貌同謙虛踏實得多。」另一方面,亦表現出求職者在公司長期發展的決心,正中HR下懷。

 延伸閱讀︰
【見工】4招拆掂「唔Pro」面試官
【求職大包圍】7式面試 x 7攻略(續)
【趕客】揭10大「極品」求職者


Look out for further updates on our Facebook fan page!

Related Articles

More