搵工面試︰求職10大「糟質」(下)

搵工面試︰求職10大「糟質」(下)
CTgoodjobs編輯部

搵工, 面試, 求職, recruitment, employment, 招聘, interview

搵工, 面試, 求職, recruitment, employment, 招聘, interview
建議求職者捍衛理想,表現出堅忍的意志與決心,同時帶出對應徵職位的了解及興趣。

呼應上兩期《搵工面試︰求職10大「糟質」》(上)(續),繼續爆最後3大求職者最常面對的糟質處境。千祈唔好咁易被chok散!

陰質8
當求職者「不懂謙卑,去講心中理想不會俗氣」時,講得太興高采烈,面試官一句質來︰「嗯,感受到你有好大嘅抱負,但係你知唔知道我地招聘呢個職位到底係做啲咩嘢?你會唔會覺得同你嘅期望不符?」

戴頭盔︰理想歸理想,況且世界上沒有一步登天這回事,建議求職者捍衛理想,表現出堅忍的意志與決心,同時帶出對應徵職位的了解及興趣。如「以我所知,呢個職位主要負責xxx,其實同我嘅理想好吻合,因為xxx,所以嚟應徵。」千萬不要口窒窒漫無目的地兜來也兜去。

陰質9
面試官說︰「根據履歷,你嘅長處應該係aaa,而唔係bbb,如果我地請咗你,你會唔會覺得發揮唔到?」

戴頭盔︰「長處」,可貴在於不管在任何狀況及境地都可以發光發亮。如果所長只能在某一兩個特定場合發揮,其實就不算甚麼。求職者不妨借題發揮,重點介紹「長處」的百搭性。

陰質10
面試官問︰「你毅然轉工,係咪因為對目前呢份工有咩不滿?例如工作上,或者人事上有咩問題,令你覺得好失望或心灰意冷?」

戴頭盔︰尤其是入世未深、衝動或較軟弱的求職者,很容易就被chok出事。奉勸求職者千萬別天真豬,吃了「誠實豆沙包」般將對舊公司的恩怨情仇和盤托出。須知道,講舊公司壞話是搵工面試的大忌。宜反客為主,多談對應徵公司及職位的期望。

延伸閱讀︰
- 搵工面試︰求職10大「糟質」
(上)
(續)

- 求職搵工︰戴眼鏡有著數?

- 求職面試︰搵工必戒15小動作

- 10件HR不會告訴求職者的事

上載日期︰2013年9月18日


Look out for further updates on our Facebook fan page!

Related Articles

More