comScoreTag
FancyBox
FancyBox

見工面試

搵工面試︰求職10大「糟質」(續)


CTgoodjobs編輯部



求職, 搵工, 面試, recruitment, employment, 招聘, interview

snaky recruitment interview
為求測試求職者,HR可能極盡「糟質」之能事。

有人才招聘專家撰文,教企業依循四大指標評估求職者的工作能力,包括好奇心、遠見、接納意見和決心。為求測試求職者,HR可能極盡「糟質」之能事。續上期《搵工面試︰求職10大「糟質」(上)》全文按此,繼續爆10大求職者被糟質處境。大家千祈唔好咁易被chok散!

陰質4
面試官問︰「我地呢份工主要係做後勤,但睇你嘅興趣係打波游水,性格似乎比較好動。你今次申請呢份工,有無諗清楚架?」

戴頭盔︰誰說性格好動就不能勝任後勤工作?踢波亦分後衛中場前鋒守龍門,團隊精神相當重要。求職者不妨藉此發揮,從而帶出自己對職位及相關職責的認知,最緊要是表現出決心。

陰質5
求職者希望強調自己樂於助人的性格,於是發表「我好想幫人」、「我希望盡綿力幫助社會上有需要嘅人」之類的言論,面試官一矢中的︰「咁點解你唔去做義工?」

戴頭盔︰重點,返工為賺錢。不是每個人都有「賺錢買花戴」的資格的,建議求職者帶出返工與義工的分別,例如透過工作,可以深入認識市場狀況,或於較高角度參與策劃分析等項目,而不只流於執行層次。

陰質6
面試官說︰「論資歷,你只有兩年工作經驗;論薪酬,你期望又比其他人高……你會唔會考慮調低啲你嘅期望?」或者「我地好有誠意請你,但budget所限,我地畀唔到個價你……你會唔會考慮接受$xxxx?」

陰質7
面試官說︰「你係申請做高級主任,但根據你嘅工作經驗,我地認為你比較適合做初級助理,你認為點樣?」

戴頭盔︰求職者宜作多方面考慮,例如工作性質、發揮空間和對方誠意等。不排除有HR藉此衡量求職者的自信及工作熱誠。如果雙方都有誠意,又何必斤斤計較於一千幾百或職位名目?

延伸閱讀︰
- 搵工面試︰求職10大「糟質」(上)

- 求職搵工︰戴眼鏡有著數?

- 3大高難度求職面試

- 求職面試︰搵工必戒15小動作

- 10件HR不會告訴求職者的事

上載日期︰2013年9月11日


讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email