comScoreTag
FancyBox
FancyBox

人際八卦

放工,是我正職





文︰魏民菁

happy_friday
一句到尾,放工唔講公事囉!

星期五6點,不能用雞飛狗走來形容,只覺得這一刻大家為避免老細再放炸彈,於是自動疏散。那種由本應打999可以求助的打工仔,變成無人可擋我路的狗衝怪獸,放工落樓後都不忘關心一下隊友的去向︰

「你去邊?」

「我約咗人食飯呀!」身為公司交際花的同事U,不論大小場合、返工放工都一定要做靚嗰個,是公司一本活生生的潮流雜誌。雖還未進化到周街都識佢(指Office走廊呀),但每部門都總有一兩個Hi-bye friend。今晚佢繼續與從前的同學、朋友聚舊,或許,在與朋友的聊天中,她可以尋回少少自我。

「我趕住去上堂。唔講喇!」平時盡忠職守的同事A,工作表現平平,但勝在盡時交功課。兼讀Master加上唔知幾多個興趣班的他,充分利用Lunch hour睇Readings加寫Paper。眼前嘅佢正咬住個包趕去唔知邊間大學,旁人會覺得這種遊走於讀書、興趣班、返工的生活仲慘過「怪獸家長」個仔,但有得揀,真係要hea住過?

「我要返屋企食飯。」Office個位放滿自己呀爸呀媽呀妹呀咩呀咩合照的同事M,每次閒聊的內容離不開自己的家庭成員、生活趣事、從前回憶,每日都好似睇緊「我們這一家」,人地唔知仲會以為成理同事係識佢呀媽。她幾乎每日都返屋企食飯,再Fb出Post介紹今晚食乜餸。於是成班同事一致認同佢嘅「我的理想」其實係︰「家庭煮婦」。

「女朋友等我睇戲。」個個月銷售額都破頂的同事B,無事做就分分秒秒做低頭族,手擁三、四部電話,以為佢忙湊客?錯唔晒,但同時仲要湊住個痴身鬼Baby,「不如我地放工去睇戲咯?」「咁即係睇邊套好?」「你走未啫?」有個奪命追魂女朋友,可能同打多份工無分別......人生就在於追趕中。

「我……諗住留係度做埋啲嘢先……」每間公司都總有一個「盧勝強」,同事Q正是當中的佼佼者。講得好聽當然是「巧勤力」的打工仔一名,避免公司發展停滯不前而努力趕工;講得唔好聽,「極有機會下畫6點先開工,又或者放工做私人嘢……」同事們如是說。總之,工作是他生活的全部。

如何運用放工後的黃金3小時,視乎能否從不同活動中找出適合自己的生活方式及價值。

一句到尾,放工唔講公事囉!

延伸閱讀︰
- 【聖誕攻略】禮.如何hea送不失霸氣?

- 【幸福Checklist】珍惜7種朋友

- 【媽呀】點解發夢都係公司嘢?

- 做老公老婆的條件

- 男追女,定女追男好?

上載日期︰2015年12月11日


讚好 CTgoodjobs 專頁,獲取更多求職資訊!

Free Subscription

Email