2020-02-14
疫情蔓延之際，有人在家工作，長期足不出戶，使用網上平台購買日用品和食物；有人則無懼病菌，又或者無奈「被迫」上班。在公司裡，若遇上不注意防疫措施的同事，應如何保護自己？有打工仔的同事長居深圳，卻未有自我隔離14日才上班，大感無奈，逐向「奴工處」投稿，詢問這種情況應該如何自保。
延伸閱讀：【武漢肺炎】返工要小心「超級傳播者」 打工仔須留意3個衛生貼士
同事居於深圳 仍每天如常上班
事主任職的公司日前宣布，曾經到中國大陸地區的員工，必須自我隔離14日後才可以上班。然而，其中一位經理居於深圳，每日往來中港兩地，卻仍然每天如常上班。事主感到無奈，並認為此乃高危人士：「點解今時今日佢仲可以出現喺公司？點解可以咁光明正大放個高危人士喺度？而我又應唔應該繼續同呢個人共處同一個工作地方呢？」
應舉報經理違反隔離令
不少網民回應指摘該經理不負責任：「正宗累街坊」、「講笑扮無知咁問佢，乜依家深圳仲落到嚟咩」。有人則認為應聯絡警察、衛生署等：「當面問清楚佢而家住邊，然後報警舉報佢」、「其實可以偷偷哋打去衛生署」。
未能勸阻經理上班則應自保
有人指出，現時有不少居於深圳的人，每天往來香港打工：「住深圳唔係罪，香港租到或買到樓嘅話都唔洗搬上去啦」。有人反駁：「的確唔係罪，只係其他人會提防住高危區嘅人有冇中招，擔心同佢共處會唔會中招嘅問題」、「無話住深圳有罪，但呢排咁嚴重，深圳都有事，仲日日往返返工，係不顧他人生死。到時有事又會話，我無事架無事架」。面對此種情況，網民建議若無法勸阻經理上司，事主應先自保：「自己Sick Leave喇」。
Look out for further updates on our Facebook fan page!
【職位招聘】2021年九巴擬聘800車長 即睇入職條件！
【職涯規劃】30歲得幾萬資產 自覺無安全感 打工仔︰好驚之後10年
【職場衣著】上司着錯衫招來被炒危機 打工仔恥笑︰開會都著__ 用下個腦啦！
【職涯規劃】細佬則畢業返新工 狂碌卡欠銀行10幾萬 打工仔︰佢話驚被同事睇唔起