【新冠肺炎】打工仔每日返工「擔驚受怕」 最驚係附近有......

這個2月,街上冷清肅靜,正所謂「人影都唔多隻」,甚至連各種主要交通工具亦削減班次、零售商店提早關門...新冠肺炎疫情導致人心惶惶,市民避免外出,情況比2003年沙士有過之而無不及。然而,不少打工仔仍要每天往返公司,他們對於某些能在家工作卻表示「好悶」、「好想返工」的人,覺得反感之餘,更認為他們身在福中不知福。


延伸閲讀:【人才管理】各行各業全面防疫 公關、婚紗攝影如常運作?

Home Office打工仔可以舒服返工?

有網民於討論區發帖文,表示現正因疫情而Home Office的打工仔應該知足,能足不出戶,是新冠肺炎肆虐期間的最好安排,更問道:「你哋有無諗過無得Home Office嘅人嘅感受?」。事主為一眾在疫情下仍要緊守崗位的打工仔抱不平,斥責在家工作的人不應抱怨:「識啲人附近無確診,公司都照有Home Office,你哋咪執到囉,唔識知足,到返返工又望放假」。而每天都要回公司工作的事主更時常感到不安:「我日日返工,放工都要擔驚受怕。我認我係怕死,我係想Home Office,唔想出門口,嘥口罩。真係感受到前線醫護要幾大勇氣,真係好尊敬佢哋」。

返工時常「擔驚受怕」 恐附近有潛伏帶菌者
帖文引來不少「同路人」回應:「根本日日都係用命搏,搭車你唔會知道有無潛伏帶菌者係附近」,而即使有帶菌者,也是「避都避唔切」。有人表示連自己每日置身的大廈有沒有患者也不知道,令人感到畏懼:「到底整棟大廈有幾多個人同帶菌者接觸過、中央冷氣會點運行,無人計到。早兩日爆完渠,如果真係中就成層中。就算點樣安全,要食飯飲水都無得擋」。

延伸閲讀:【新型肺炎】不願在家工作 「擦鞋」仔返工自拍傳給老闆 結果…...

另一半於高危地方上班 同樣令人擔心

有在家工作的打工慶幸能避免外出,既能減低受感染的風險,又能「慳返個口罩」。可是,有網民表示,雖然自己能Work From Home,但另一半於高危地方上班,亦同樣令人擔心:「唔覺得悶,咪正常工作,肚餓就自己整啲嘢食。但老公無得Home Office,佢幢大廈仲要勁高危,日日都好擔心」。

Look out for further updates on our Facebook fan page!