【星職路數】ViuTV主持羅沛琪靠把口創業 用半年回本有咩秘訣?

藝人看似是遙不可及的人物,在銀幕和舞台上閃閃生輝,不過有些藝人除了幕前演出外,也會做相當「貼地」的工作,有「翻版容祖兒」之稱的ViuTV主持Pinky羅沛琪是其中之一,她不只是藝人,還是說話技巧導師!為何Pinky從事這份工作?又為她帶來多少收入?《星職路數》即刻為大家拆解!

延伸閱讀:【職人故事】YouTuber係賺快錢途徑? Lillian Sze:時薪係負數!

Pinky羅沛琪接受CTgoodjobs訪問,分享入行和創業之路。(蒙曉盈攝)

生得似天后有好處 建立自身風格更重要
Pinky從小到大表演慾旺盛,不過她大學畢業後未有選擇成為藝人,而是從事市場策劃。躋身娛樂圈的契機,是一個招聘廣告:「我覺得(工作)有啲悶,有一刻好想轉工,於是上招聘網站,見到NowTV主持比賽,我覺得幾得意,可以試下,跟住就入咗行啦!」

Pinky外表酷似容祖兒,因而被人封為「翻版容祖兒」,究竟這是否Pinky的市場策略呢?「難得一副天后相,我自己都深感榮幸嘅!」Pinky不禁笑言:「但你自己點行落去?同埋成日畀人比較,當然我唔覺得我成就可以同天后比較啦!反而畀人知道你存在,就有樣好處,係畀人想睇你嘅嘢。」

Pinky與容祖兒有幾分相似,雖然她有感是令大眾認識自己的優勢,但也認為建立自己風格更重要。(蒙曉盈攝)


Pinky認為,現時娛樂圈更需要的,不是某些藝人的替身,而是建立自己的風格。擔任NowTV和ViuTV多個節目,包括《102觀星總部》、《十五分鐘熱度》、《InterViu》、《今日疫情》等,而近日播出的《今晚趁熱食》和《Chill Club 推介》,Pinky也是主持之一。


Pinky(右2)是《今晚趁熱食》主持之一。(受訪者提供)

成為說話技巧導師 靠把口搵食就得?
在行內打滾一段時間後,Pinky慢慢站穩陣腳,不過,她有感在娛樂圈難以長線發展,於是開始嘗試拓展新路向——與兩位拍檔合辦口才培訓室,成為說話技巧導師,一開始開設主持或司儀培訓班,後來陸續獲不同企業邀請,為員工提供說話技巧培訓。

Pinky笑言之所以選擇成為說話技巧導師,只因和藝人一樣,都是「靠把口搵食」,但Pinky覺得做導師仍有具挑戰的地方,製作教材就是其中之一:「如果做主持,我會同製作組傾下點Present,佢哋已經做好個框架,你只係改細節;但係如果我係企業培訓,你要幫(每間公司製作)課程要唔同,係要Taylor Made(度身訂造)嘅。」

Pinky亦有擔任說話技巧導師,為不同企業提供培訓。(受訪者提供)

為了令課堂更有趣,Pinky將自身工作經驗融入理論,發現學員對此頗為受落:「有別於其他講師,學員會想知道我哋喺呢行做電視節目,要做直播,有咩技巧可以執生,都係幾得意嘅分享嚟嘅!」Pinky亦覺得,與學員互動時,自己亦能從他們身上獲益,所以Pinky明言,不想說自己是「教」學員,而是和學員做分享。

延伸閱讀:【DSE放榜】科大IT畢業生投身銀行界 月入4萬全靠玩學會?



用半年回本 比收益更重視口碑
Pinky和拍檔各自投資5位數開設口才培訓室,她直言成本不算大:「因為我哋唔使買貨呀嘛,同埋有學生同企業要上堂,有好多時係去佢哋嘅工作地方,或者去學校同會議室上堂。」

口才培訓室耗費最多的,原來是宣傳工作。為了節省成本,Pinky又發揮做藝人的優勢:「我喺呢行嘅好處係識唔少傳媒朋友,好感恩佢哋都錫我哋,幫我哋做宣傳,呢樣都係樣好處嚟嘅!」

Pinky感謝傳媒朋友幫忙宣傳工作室。(受訪者提供)

獨特的教學方式,藝人的名氣,以及低成本,令口才培訓室成立半年後便告回本,問到有否大大增加收入,Pinky謙虛表示:「OK啦!」比起收入多寡,Pinky更着重客戶評價:「呢啲口才培訓,無理由用做咗幾多生意去吸引人,最重要係口碑呀嘛,呢樣重要過錢銀嘅嘢!」不過Pinky亦強調,不是完全無視生意額,而是想循序漸進提升:「每次唔好蝕,每年都有盈餘,每年都有唔少進步就OK啦!」

經過疫情發現不足 盼學剪片自我增值
最近新冠肺炎(COVID-19)疫情肆虐,各行各業均受打擊,Pinky的口才培訓室生意也受影響,於是Pinky等人決定轉戰視像教學,實行用拍片或視像會議形式繼續教學。亦因為今次疫情,Pinky意識到自己不足,希望未來能進修拍片相關知識。

比起實際收益,Pinky更着重客戶的回響。(蒙曉盈攝)

「我同拍檔喺呢方面都比較弱智,真係唔識剪片,當然你可以搵朋友幫手,但你唔可以永遠搵佢嘛,所以我會想學拍嘢同剪片,同埋睇片最緊要係Effect(後期效果),所以我都想去學!」

完成訪問後,筆者感受到Pinky的成長之路,入行成為主持,充份吸收主持經驗和技巧後,開拓另一條發展道路,利用自身經驗幫助他人成長,然後又學習新事物促進自身成長……其實不只Pinky或藝人可以如此發展,任何打工仔也可以發展潛能,開創自己新方向,只要肯學習和嘗試,就能發掘無窮可能。

經過今次疫情,Pinky意識到自己要學習更多知識充實自己。(蒙曉盈攝)


Look out for further updates on our Facebook fan page!