comScoreTag

曾被「炒魷魚」形同留案底?網民怕仕途「玩完」

曾被「炒魷魚」形同留案底?網民怕仕途「玩完」
大信封、炒魷魚,相信打工仔聽到這些詞語就會「周身唔聚財」。各位打工仔當然也不希望自己被裁,但萬一遇上公司裁員,被解僱後對日後見工究竟有沒有影響?有網民就在討論區發帖請教此問題,怕自己以後搵工都「無運行」。
事主於帖子內指自己早前被解僱,最近見工時均被問及曾否被解僱,更被要求同意致電舊公司查詢。事主指自己被解僱形同曾犯罪,並留有案底,擔心自己是不是已經與大公司無緣,大呻「我又唔係殺人放火,唔通呢世就咁玩完?」

見工成功全賴技巧 曾被裁亦可成功
有網民「教路」,叫事主在見工時不提及上一間公司便可,「你自己傻豬姐,做咩要填自己俾人炒過」、「呢啲野唔洗寫落CV,佢真係問到你先講啦」,但也有網民認為即使提及也不成問題,最緊要在面試時表現得好,「如果間公司覺得份工啱你,都唔會介意你俾人炒過」、「我都試過,無嘢呀,睇你點解釋,見完HR都唔知幾歡喜」。

不過,亦有人反駁指,若履歷上留有空白期,人事部必然會感到奇怪,建議事主如實報告,「到時HR問你個空白期去左做乜,唔通幾廿歲人仲話去遊學、進修?」,亦有人認為不填寫等同隱瞞,後果或許更嚴重,「如果公司查到,咁你就同講大話無分別,到時就真係一啲機會都冇。」

事實上,部分大企業在錄用員工前也會為其進行資歷查核(Background Check)和品格評估,故未來僱主若想將求職者「起底」,其實並不難。然而,若求職者在面試時可展現個人魅力及能力,並如實向對方交代上一份工作被辭退的原因,只要犯的錯不太嚴重,一般僱主都不會因而把其拒諸門外。
Look out for further updates on our Facebook fan page!

Related Articles

More