月入二萬九,妄想買層樓

我今個月升咗職做Assistant Marketing Manager ,人工加咗15%,有$29,000一個月。我好開心。

呢股開心嘅情緒衝昏咗我嘅頭腦,因為兩個星期前我萌起買樓嘅念頭。我開始去地產鋪睇下行情,上網做下資料搜集。自此,我由好開心,變得好唔開心。而廿幾年來,我對數字嘅一貫概念,亦第一次被完全扭曲。


當你稍為將首期、印花稅、每月供款做對比,你會知道$29,000原來「唔係錢」。辛苦工作6年儲到嘅50幾萬,原來都「唔係錢」。

「咁鬼叫你做媽劇停咩。」
Ok,呢一刻我承認,如果我想買樓,我唔應該入行做媽劇停,我真係明。

但喺呢幾年,我自覺都總算做得有啲成績。問題係就算我點努力、點力爭上游,每晚做到11點、星期六返埋工都好,呢啲根本唔會計算喺令你買到樓嘅因素內。

Not even 1%。

當我將最精壯嘅十幾年完全奉獻畀工作嘅時候,我又得到啲咩?胃痛、失眠定係瞓醒覺就check email嘅習慣?

「咁咪唔好買樓囉。」
而家樓價係歷史高位,我有眼睇,但明明上年又話已經係歷史高位?我有個大學同學上年懷著「燈蛾撲火」嘅心情喺屯門上車,而家佢層樓升咗15%。呢一刻,佢慶幸自己當時選擇咗孤注一擲。今年如果我選擇唔做燈蛾,咁下年我咪連火屑都見唔到?

我唔係想以買樓嚟證明啲咩,我只想擁有屬於自己嘅空間。你估個個星期六日出街行商場好得意?你估我想喺Starbucks同人爭位坐、同人爭電制用電腦?當而家行山同旺角一樣咁多人嘅時候,我只想有個獨立空間,離開公司、離開工作,一個星期放空、放鬆兩日,咁大把。

「咁你慳啲使,慢慢儲啦。」
點慳?返工帶飯?每日搭船過海?謝絕朋友飯局?用八達通自動增值,但用阿媽張信用卡找數?點解我搵$29,000都唔可以過我想過嘅生活?

我唔明。

我自覺唔算揮霍,兩年換一次iPhone、間唔中搭的士返工,有畀家用,亦會一年去一兩次旅行。有人話「唔好成日去日本旅行」就可以幫助上車,咁請問唔去幾多次日本先至夠錢?

我計過,應該係兩世。

如果你做兩世人都唔去日本旅行,就應該啱啱好喺粉嶺買到一層建築面積300呎嘅樓。由於我未知下世樓市如何,所以我選擇今世繼續去日本。

「咁你父母可唔可以幫下手呀。」
第一,我唔想。我29+1歲,父母59+1歲,我唔想要兩個退休人士粗心又出錢。我承認,我硬頸。

第二,我唔明。正值壯年、有工返嘅人買唔到樓,反而要年老、退咗休嘅人幫。邏輯上,講唔通。

「咁冇辦法,你又冇丁權。」

我同大部分男人一樣,下面有一條「丁」,但就係冇「權」。咁可以點?

認識一位朋友嘅朋友喺大埔有個「丁」,佢喺幅地上面起咗屬於自己嘅2,000呎大屋。結婚後就同老婆搬入去住。一段唔駛儲首期、唔駛畀錢租樓嘅情侶關係,究竟係點?我唔知,亦永遠都唔會知。因為一出世,我同佢彼此嘅「丁」就已經決定一切。

今次係我第一次升職而覺得唔開心。因為加咗人工令我「想得太多」,亦令我知道更多令人氣餒、令人睇唔到出路嘅現實。
讀過幾年前「月入3萬元的港人」嘅潮文,不知不覺,我已經成為當中嘅主角。唔同嘅係,當年嘅3萬同今時今日嘅3萬已經唔一樣。麥記最平嘅「超值套餐」要$24、的士起錶亦已經要$24,上次炒iPhone都仲要倒蝕$600。

點解要諗咁多嘢,咁辛苦。
突然之間,我唔想升職。

原文刊於我做Marketing Fb專頁,獲授權轉載。
Look out for further updates on our Facebook fan page!

Related Articles

  • 【新型肺炎】不願在家工作 「擦鞋」仔返工自拍傳給老闆 結果…...

    新型肺炎持續,確診人數連日來不斷增加,令人心惶惶。病毒主要經由飛沫傳播,因此減少社區接觸乃控制疫情擴散的有效做法。特區政府帶頭容許提供緊急服務以外的公務員在家工作,亦建議私人機構效法。如果公司能實施在家工作安排,員工又能自律,維持生產力,確是雙贏的做法。不過,有網民向社交媒體專頁《奴工處》投稿,分享有同事在公司容許在家工作的情況下,仍然堅持回到公司上班,目的只為搏表現,引來網民的熱議。

  • 【職場熱話】老闆不滿員工座位一個動作 員工:交到貨就得!

    雖然任職同一間公司,甚至是同一個職級,但是各自的工作模式可以有天壤之別。你習慣早上先沖咖啡才開始工作,我習慣文件要分類放好......

  • 【網民職場Talk】一個累全家點收科?網民分享「最大鑊」工作錯誤

    最近因為有銀行的管理培訓生趁公司安排Work from Home(在家工作),偷偷約同事行山,更將6人合照放上社交媒體,事件驚動銀行高層……

  • HOT【武漢肺炎】戴口罩只係做樣?打工仔批同事無公德心

    新型肺炎持續蔓延,截至今早(2月13日)全國確診病例超過5萬宗,本港確診人數亦增至50宗,令人擔憂疫情會於社區爆發。然而,香港生活開支大,衣食住行樣樣貴,不少人「手停口停」,無論如何也要謹守崗位。其實只要人人戴上口罩,感染風險都會減少,但卻總有一些妄顧他人健康的人。有網民向社交媒體專頁《奴工處》投稿,分享同事妄顧公眾衛生的行為。

  • HOT【網民職場Talk】老闆要求員工每天早15分鐘上班 新同事一句霸氣回應......

    每天準時上班,是員工基本應該做到的事。可是,為甚麼準時下班,卻好像犯罪一樣?不少打工仔每天辛勤工作,有時候更特意加快工作進度,為的就是準時下班,把握工餘時間處理私人事務。可惜很多時候都只會事與願違,OT亦漸成常態。有打工仔向「奴工處」投稿,分享高層要求員工每天早15分鐘上班,卻得到新同事一句霸氣回應……

  • 【新型肺炎】公司防疫措施得個樣 打工仔狠批:眼中只有錢

    新型肺炎疫情蔓延,確診個案連日增加,截止今早(2月11日)本港確診個案已達42宗,令人人憂慮。為減少社區接觸,最理想的做法是減少外出,但部分企業因工種或其他原因未能讓員工留家工作,唯有實施不同的防疫措施,如為員工探熱、提供口罩、分時段上班等。不過,有打工仔在討論區狠批公司的防疫措施「得個樣」,不滿僱主口中表示關注員工健康,實際上眼中卻只有錢。

  • HOT【武漢肺炎】口罩放喺公司被偷可以點做?網民建議另類方法

    武漢肺炎疫情持續,今次疫情散播全球各地,不少國家都有確診病例,在口罩需求持續上升的情況下,市面上繼續出現一罩難求的情況。在香港,各大連鎖護理店每天出現超長人龍,更有市民不惜犧牲睡眠時間,通宵排隊購買口罩。

  • 【武漢肺炎】長期病患老闆Office咳不停 員工應該點做?

    截至2月7日凌晨,武漢肺炎於中國內地全國累計確診個案已經超過3萬宗,死亡人數累計增至超過630人。疫情蔓延之際,香港部分打工仔仍辛勤工作中。雖然不少企業安排員工在家工作,但也有各行各業的員工因工種和行業因素而不能Home Office。在公司內,人人都戴上口罩,做足防疫措施。可是,如果你的老闆是個長期病患者,在農曆新年後,上班時咳個不停,打工仔應如何應對?有網民的老闆在辦公室咳個不停,令他感到自身健康受威脅,逐於討論區發帖文求救。

  • 【武漢肺炎】經理深圳回港後照上班 同事行慢兩步寧遲到不敢同Lift

    本港各大公司都因疫情嚴重,紛紛安排員工Home Office或者彈性上班,而曾前往內地甚至連曾外遊的員工都有機會被公司安排在家自我隔離14天......

  • 【武漢肺炎】疫情持續打工仔最想公司做4件事 派口罩之外仲有......

    武漢肺炎疫情持續擴大,香港大學微生物系講座教授袁國勇接受電台節目訪問時表示,香港確診的新型肺炎個案反映出本地傳染鏈已經開始......